دنیا کے سب سے بہترین ڈاک ٹکٹ میں خاص کیا ہے؟

اقوام متحدہ کی پوسٹل ایڈمنسٹریشن (یو این پی اے) کی جانب سے جاری کردہ ایک یادگاری شیٹ جو عالمی ریکارڈ کو خراج تحسین پیش کرنے کے لیے تیار کی گئی تھی، دنیا کی سب سے بہترین ڈاک ٹکٹ ہے۔ 3 ٹکٹوں پر مشتمل یادگاری شیٹ انسانی حقوق کے عالمی اعلامیے کو خراج تحسین پیش کرتی ہے جسے گنیز ورلڈ ریکارڈز نے دنیا کی سب سے زیادہ ترجمہ شدہ دستاویز کے طور پر تسلیم کیا ہے۔ اس اعلامیے کا مسودہ 10 دسمبر 1948 کو تیار کیا گیا تھا اور اب تک 503 زبانوں میں اس کا ترجمہ کیا جا چکا ہے۔

شیٹ میں 3 ڈاک ٹکٹ ہیں، جن پر امریکی، سوئس اور آسٹریا کی زبان میں لکھا گیا ہے جو اقوام متحدہ کے 3 اہم ہیڈکوارٹرز کا گھر ہے۔ ہر ڈاک ٹکٹ کا عنوان مختلف زبانوں میں ہوتا ہے لیکن اس میں انسانی حقوق کے عالمی منشور کا پورا متن اور انگریزی میں اس کا دیباچہ شامل ہے۔

اقوام متحدہ کی پوسٹل ایڈمنسٹریشن کے مطابق دستاویز میں غیر سرکاری طور پر 1778 الفاظ شامل ہیں۔ یہ الفاظ ہر ڈاک ٹکٹ پر مائیکرو پرنٹنگ کی 60 لائنوں میں پھیلے ہوئے ہیں۔ اقوام متحدہ کی پوسٹل ایڈمنسٹریشن (یو این پی اے) نے یہ شیٹ 27 اکتوبر کو پینسلوینیا کے شہر بیلفونٹ میں واقع امریکن فلیٹلک سینٹر میں 2 روزہ اقوام متحدہ کے ڈاک ٹکٹ اور پوسٹل ہسٹری شو، یو این ایکسپو 17 کے پہلے دن جاری کی گئی تھی۔

گنیز ورلڈ ریکارڈ کی ویب سائٹ کے مطابق 2014 میں بیلجیئم سے خواتین کے عالمی دن کے موقع پر جاری کیے گئے ڈاک ٹکٹ پر الفاظ کا ریکارڈ 606 تھا۔