وفاقی وزیر خزانہ محمد اورنگزیب سے عالمی مالیاتی ادارے آئی ایم ایف کے وفد نے ملاقات کی ہے۔
اعلامیہ کے مطابق وفاقی وزیر خزانہ نے اصلاحاتی ایجنڈے کو جاری رکھنے کا عزم ظاہرکیا اور مشن کو معاشی بہتری سے متعلق آگاہ کیا۔
مزید پڑھیں
وزیر خزانہ محمد اورنگزیب سے آئی ایم ایف کے وفد نے وزارت خزانہ میں ملاقات کی ہے، مشن کی قیادت مشن چیف نارتھن پورٹر کررہے تھے۔
اعلامیہ کے مطابق ملاقات کا مقصد نئے قرض پروگرام پر بات چیت کا آغاز کرنا تھا، ملاقات میں گورنر اسٹیٹ بینک، چیئرمین ایف بی آر اور وزارت خزانہ کے حکام شریک ہوئے۔
وزیر خزانہ محمد اورنگزیب نے اسٹینڈ بائی معاہدے کی کامیاب تکمیل پر آئی ایم ایف ٹیم کا شکریہ ادا کیا۔
یاد رہے کہ وفاقی حکومت نے آئی ایم ایف سے ایک اور قرض پروگرام حاصل کرنے کا فیصلہ کیا ہے اور وزیر خزانہ نے اس پر کام شروع کردیا ہے۔
وزیر خزانہ محمد اورنگزیب نے اپنی گفتگو میں کہا تھا کہ جون یا جولائی کے آغاز میں آئی ایم ایف سے اسٹاف لیول معاہدہ ہو جائے گا۔
