باکس آفس پر طوفان برپا کرنے کے بعد، شاہ رخ خان نے OTT پلیٹ فارم پر اپنی جگہ بنا لی ہے۔ سپر اسٹار نے حال ہی میں مداحوں کے کچھ سوالات کے جوابات دیے اور ایک پروموشنل ویڈیو میں ان کی پوسٹس پر ردعمل کا اظہار کیا۔
ویڈیو کے آغاز میں شاہ رخ خان کہتے ہیں ’میرے پاس آپ کے تبصرے ہیں آپ کے کچھ سوالات ہیں جو آپ نے پوچھے ہیں، میں ان کا جواب دینے کی کوشش کر رہا ہوں‘۔
شاہ رخ نے نے سب سے پہلے پٹھان کے ٹائٹل ٹریک ’جھومے جو پٹھان‘ پر ایک بزرگ خاتون کی رقص کی ویڈیو دیکھی۔ انہوں نے اس ویڈیو کا جواب دیتے ہوئے کہا، ’یہ واقعی دل مو لینے والا اور بہت خوبصورت ہے۔ مینا جی، ایسا کرنے کے لیے آپ کا بہت بہت شکریہ۔ اگر میں نے آپ کو پہلے ڈانس کرتے دیکھا ہوتا تو شاید ہم دیپیکا کی جگہ آپ کو لے لیتے مجھے یقین ہے کہ دییپیکا اس کا برا نہیں مانے گی‘۔
ایک مداح نے شاہ رخ سے کہا کہ ’وہ کسی ایسی چیز کے کے بارے میں بتائیں جو انہوں نے پٹھان میں پہلی مرتبہ کی ہے‘۔
اس سوال کے جواب میں شاہ رخ خان کا کہنا تھا کہ ’بہت ساری چیزیں ہیں جو میں نے اس سے پہلے نہیں کی تھیں۔ لیکن ایک چیز جو مجھے کرنا تھی میرے خیال میں متبادل دنوں میں اپنے بالوں کو شیمپو کرنا تھا، جو میں نے کبھی نہیں کیا‘۔
واضح رہے کہ سدھارتھ آنند کی ہدایت کاری میں بننے والی ’پٹھان‘ میں جان ابراہم، دیپیکا پڈوکون، ڈمپل کپاڈیہ اور آشوتوش رانا نے بھی مرکزی کردار ادا کیے تھے۔ فلم نے باکس آفس پر کچھ ریکارڈ توڑ بزنس کیا ہے۔
