کنگ عبداللہ میڈیکل سٹی کے آئی ہیلتھ سینٹر کی طبی ٹیم نے 50 سالہ پاکستانی حاجی کی بصارت بچانے میں کامیابی حاصل کی ہے۔
پاکستانی حاجی 2 روز سے اچانک بینائی کی کمزوری کا سامنا کررہا تھا۔ تفصیلی معائنے سے معلوم ہوا کہ حاجی کی دائیں آنکھ کا پردہ بصارت اور مرکزِ نظر میں ایک دوسرے سے جدا ہوچکے ہیں۔
طبی ٹیم نے فوری طور پر آپریشن کرنے کا فیصلہ کیا، اس آپریشن میں موتیا ختم کرنے، آنکھ کا نیا لینز لگانے، پردہ بصارت کا مرکز اور سلکون آئل کا انجیکشن شامل تھا۔ یہ آپریشن کامیابی سے مکمل ہوا اور حاجی کی بصارت تدریجی طور پر واپس آگئی۔
آئی ہیلتھ سینٹر نے آپریشن کی کامیابی پر خوشی کا اظہار کیا اور ابتدائی معائنہ اور فوری مداخلت کی اہمیت پر زور دیا تاکہ مستقل بصارت کے فقدان سے بچا جاسکے۔
کنگ عبداللہ میڈیکل سٹی کا آئی ہیلتھ سینٹر اعلیٰ صلاحیتوں اور تجربات کا حامل سینٹر ہے، اور سال بھر میں ایسی بہت سی کامیاب جراحیاں انجام دیتا ہے۔ یہ کامیابی نہ صرف کنگ عبداللہ میڈیکل سٹی کی اعلیٰ طبی معیار کی عکاسی کرتی ہے بلکہ امراضِ چشم میں جدید تکنیک کے استعمال اور خطے میں ایک طبی مرکز کی حیثیت دیتی ہے۔
