ملک بھر کے مختلف شہروں میں موسلادھار بارش سے جہاں موسم خوشگوار ہوا، وہیں متعدد نشیبی علاقے زیر آب آگئے ہیں۔ موسلا دھار بارشوں کے باعث اسلام آباد اور راولپنڈی کی گلیاں تالاب کا منظر پیش کرنے لگی ہیں جس سے ٹریفک کی آمد ورفت شدید متاثر ہے اور شہریوں کو مشکلات کا سامنا ہے۔
بارش کے بعد پیدا ہونے والی بد ترین صورتحال پر صارفین حکومت کو شدید تنقید کا نشانہ بنا رہے ہیں۔ ان کا کہنا ہے کہ اتنی سی بارش سے متعدد علاقے ڈوب گئے ہیں اور اہم شاہراہوں پر پانی جمع ہو گیا ہے لیکن حکومت کی جانب سے کوئی خاص انتظام نہیں کیا جا رہا۔
صحافی مغیث علی نے راولپنڈی کے ایک علاقے کی ویڈیو شیئر کی جس میں بارش کی وجہ سے پانی کا بہاؤ بہت تیز ہے اور اس میں گاڑیاں ڈوب رہی ہیں۔ انہوں نے کیپشن میں لکھا کہ طوفانی بارش سے راولپنڈی ڈوب گیا۔
طوفانی بارش سے پنڈی ڈوب گیا۔۔۔!!! pic.twitter.com/CdenzjU2nT
— Mughees Ali (@mugheesali81) July 29, 2024
احمد حسن نامی صارف نے بارش میں ڈوبے راولپنڈی کی ایک ویڈیو شیئر کی جس میں دکانیں کئی فٹ تک ڈوب گئی ہیں۔ انہوں نے اس پر تبصرہ کرتے ہوئے لکھا کہ کاروباری حالات میں ان تاجروں کے کاروبار کی رہی سہی کسر اس بارش نے پوری کر دی ہے، ہر طرف تباہی ہی تباہی ہے۔ ان کا مزید کہنا تھا کہ ہم وہ بدقسمت قوم ہیں جو 75 سالوں میں بھی اپنی کسی چیز کو بہتر نہیں بنا سکے۔
راولپنڈی سے ایک اور ویڈیو
ہم وہ بدقسمت قوم ہیں جو 75 سالوں میں کچھ بھی اپنا بہتر نہیں کر سکے۔ اردگرد دکانوں پر نظر دوڑائیں بدترین کاروباری حالات میں ان تاجروں کے کاروبار کی رہی سہی کسر اس بارش نے پوری کر دی ہے ۔ تباہی ہی تباہی ہے ہر طرف pic.twitter.com/whkuvbNTjr
— Ahmad Hassan Bobak (@ahmad__bobak) July 29, 2024
خولہ چوہدری لکھتی ہیں کہ وہ وزیراعلیٰ پنجاب مریم نواز کو لمبے بوٹ پہن کر ان تالاب بنی ہوئی گلیوں میں دیکھنا چاہتی ہیں۔
مجھے تو مریم صفدر کو لمبے بوٹس پہن کر ان تلاب شدہ گلیوں میں دیکھنا ہے۔ pic.twitter.com/PUhKEWZnjr
— Khaula Chaudhry (@chaudhry_khaula) July 28, 2024
ایک صارف نے وزیراعلیٰ پنجاب کو آڑے ہاتھوں لیتے ہوئے کہا کہ مریم نواز پہلی دفعہ ’فارم 47‘ کی مدد سے وزیراعلیٰ پنجاب بنی ہیں اور راولپنڈی میں ایک بارش نے ان کی ’گڈ گورننس‘ کا پول کھول دیا ہے۔ انہوں نے طنزاً لکھا کہ ’گورننس ڈوب رہی ہے کوئی تو اسے بچائے‘۔
مریم نواز پہلی دفعہ "فارم 47" کی مدد سے وزیراعلی پنجاب بنی ہیں اور راولپنڈی میں ایک بارش نے ان کی "گوڈ گورننس" کا پول کھول دیا۔۔۔!!
شاباش میڈم سی ایم۔۔👏
گوڈ گورننس ڈوب رہی ہے۔۔۔۔کوئی تو اسے بچائے pic.twitter.com/rsIWQQH3OP
— Adnan Raja (@adnanraja92) July 29, 2024
ارم جعفری نے راولپنڈی میں بارش کے بعد کی صورتحال کی ویڈیو اپلوڈ کرتے ہوئے کہا کہ مریم نواز کو بتائیں کہ راولپنڈی بھی پنجاب میں ہی آتا ہے برساتی جوتے پہن کر ایک چکر ادھر کا بھی لگا لیں۔
راولپنڈی میں بارش کے بعد کی صورتحال۔شعیب اپنی ٹک ٹاکر وزیر اعلی کال کر کہ بتاؤ کہ راولپنڈی بھی پنجاب میں ہی ہے برساتی جوتے پہن کر ایک چکر ادھر کا بھی لگا لے pic.twitter.com/9P3aXIlfmt
— Erum Jaffri (@ErumJavaid) July 29, 2024
واضح رہے کہ راولپنڈی اور اسلام آباد میں بارش سے نالہ لئی میں پانی کی سطح خطرناک حد تک بلند ہوگئی ہے اور راولپنڈی سمیت دیگر شہروں میں رین ایمرجنسی بھی نافذ کردی گئی ہے۔ نالہ لئی میں پانی کی سطح بلند ہونے پر ندیم کالونی اور جاوید کالونی کے مکینوں کوالرٹ کردیا گیا ہے، سائرن بجاکر نشیبی علاقوں کے مکینوں کو محفوظ مقام پر منتقل ہونےکی ہدایت جاری کردی گئی ہیں۔
