صومالیہ میں دارالحکومت موغادیشو کے ساحل پر ایک دہشت پسندانہ حملے میں 32 افراد ہلاک مارے گئے۔
یہ بھی پڑھیں:ایران کا نئے القاعدہ سربراہ کی ملک میں موجودگی سے انکار، امریکی دعویٰ غلط قرار
بین الاقوامی میڈیا رپورٹس کے مطابق القاعدہ سے منسلک سمجھی جانے والی تنظیم الشباب کے عسکری گروپ صومالیہ میں دارالحکومت موغادیشو کے مشہور لائیڈو بیچ ساحل پر ایک دہشت پسندانہ حملے میں متعدد افراد کو ہلاک کر دیا ہے۔
اس حوالے سے الشاب نے اپنے ریڈیو اسٹیشن کے ذریعے مشہور لائیڈو بیچ پر حملے کی ذمہ داری بھی قبول کی ہے۔
یہ بھی پڑھیں:القاعدہ کا پاکستانی سہولت کار 16سال بعد گوانتا نومو بے سے رہا
صومالی حکام کا کہنا ہےکہ حملے کی اطلاع ملتے ہی سکیورٹی اہلکار جائے وقوعہ پر پہنچ گئے اور جوابی کارروائی میں 5 حملہ آوروں کو مار ڈالا جب کہ اس دوران 6 حملہ آوروں نے خود کو دھماکا خیز مواد سے اڑا لیا جس کے نتیجے میں ساحل سمندر پر موجود مقامی افراد ہلاک ہوئے۔
اب تک 32 عام شہریوں کے ہلاک ہونے کی تصدیق ہوئی ہے، جب کہ 60 سے زائد زخمی ہیں جن میں سے بعض کی حالت تشویشناک ہے جس کے سبب ہلاکتوں میں اضافے کا خدشہ ہے۔
