کراچی میں گزشتہ روز ایک نجی فیکٹری میں بھگدڑ مچنے سے 12 افرادکی اموات کے واقعہ کا مقدمہ سرکار کی مدعیت میں سائٹ اے تھانےمیں درج کر لیا گیا۔
پولیس کے مطابق مقدمہ فیکٹری مالک اور دو منیجر سمیت 9 افراد کے خلاف درج کیا گیا۔
کراچی میں راشن کی تقسیم کے دوران بھگدڑ مچنے سے 12 افراد جاں بحق
میڈیا رپورٹس کے مطابق مقدمےمیں لاپروائی اور غفلت کی دفعہ شامل کی گئی ہیں، متن کے تحت فیکٹری انتظامیہ نے زکوٰۃ تقسیم کے حوالے سے پولیس اور ضلعی انتظامیہ کو لاعلم رکھا۔
مقدمے میں نامزد ملزموں میں سے تاحال 8 ملزم گرفتار ہیں۔ جب کہ دوسری جانب ضلعی انتظامیہ نے واقعہ کی تفتیشی رپورٹ تیار کرلی۔
رپورٹ کے مطابق فیکٹری انتظامیہ نے ضلعی انتظامیہ سے این او سی بھی حاصل نہیں کیا تھا، زکوٰۃ تقسیم کے وقت ہجوم فیکٹری کے اندر تھا، فیکٹری کا گیٹ بھگدڑ کے وقت بند تھا، فیکٹری میں پانی بھی جمع تھا۔
