پاکستان کرکٹ بورڈ (پی سی بی) نے شائقین کرکٹ کے لیے بڑا اعلان کردیا، اب شائقین پاکستان اور بنگلہ دیش کے مابین راولپنڈی میں جاری پہلا ٹیسٹ میچ اسٹیڈیم میں ٹکٹ کے بغیر دیکھ سکیں گے۔
پی سی بی نے ویک اینڈ پر شائقین کرکٹ کے لیے اسٹیڈیم کے دروازے کھولنے کا فیصلہ کیا ہے تاکہ وہ ٹکٹ کے بغیر اسٹیڈیم میں داخل ہوسکیں اور پاکستان اور بنگلہ دیش کی کرکٹ ٹیموں کے درمیان جاری ٹیسٹ میچ سے لطف اندوز ہوسکیں۔
یہ بھی پڑھیں: پنڈی ٹیسٹ کا تیسرا دن: 448 رنز کے تعاقب میں بنگلہ دیش 4 وکٹیں گنوا بیٹھا
پی سی بی نے یہ فیصلہ شائقین کرکٹ کی کھیل میں دلچسپی بڑھانے کے لیے کیا ہے، پاکستانی شائقین کے لیے ہفتہ اور اتوار کو راولپنڈی اسٹیڈیم کے شعیب اختر، سہیل تنویر، میران بخش، یاسرعرفات، جاوید میانداد انکلوژرز میں داخلہ مفت ہوگا۔
جاوید میانداد اور وی آئی پیز اینکلوژرز فیملیز کے لیے مختص کردیا گیا ہے جبکہ راولپنڈی ٹیسٹ کے آخری 2 روز کے ٹکٹ خریدنے والوں کو ٹکٹ ری فنڈ کیا جائے گا۔
