پاکستان تحریک انصاف (پی ٹی آئی) نے 15 ستمبر کو مینار پاکستان لاہور میں جلسہ کرنے کا فیصلہ کیا ہے، اور اجازت کے لیے انتظامیہ کو درخواست دے دی ہے۔
پی ٹی آئی کے سیکریٹری جنرل عمر ایوب نے بیرسٹر ابوزر سلمان نیازی کی وساطت سے ڈپٹی کمشنر لاہور کو درخواست دی ہے کہ تحریک انصاف 15 ستمبر کو مینار پاکستان لاہور پر جلسہ کرنا چاہتی ہے جس کا این او سی جاری کیا جائے۔
پاکستان تحریک انصاف کا مینار پاکستان کے مقام پر 15 ستمبر کو جلسہ کرنے کا فیصلہ
پاکستان تحریک انصاف کے سیکرٹری جنرل عمر ایوب نے بیرسٹر ابوزر سلمان نیازی کی وساطت سے ڈپٹی کمشنر لاہور کو جلسے کی اجازت کے لیے درخواست دے دی pic.twitter.com/Bdya9QYMIt
— PTI (@PTIofficial) August 28, 2024
واضح رہے کہ اس سے قبل پی ٹی آئی نے 27 اگست کو لاہور میں ہونے والا جلسہ ملتوی کردیا تھا۔
پاکستان تحریک انصاف کے رہنما شوکت بسرا نے کہا تھا کہ اس وقت ہماری تمام تر توجہ اسلام آباد جلسے پر ہے، اس لیے لاہور میں جلسہ 8 ستمبر کے بعد کیا جائے گا۔
یہ بھی یاد رہے کہ پی ٹی آئی 8 ستمبر کو اسلام آباد میں جلسہ کرنے جارہی ہے، جس کے لیے تمام تر تیاریاں عروج پر ہیں۔
اس سے قبل 22 اگست ہونے والا جلسہ عین وقت پر ملتوی کردیا گیا تھا، اور عمران خان نے اس وقت بعد صحافیوں سے غیررسمی گفتگو میں کہا تھا کہ اس کے بعد کچھ بھی ہوجائے جلسہ ملتوی نہیں ہوگا۔
