صدر مملکت آصف علی زرداری نے ملائیشیا کے وزیراعظم انور ابراہیم کو نشان پاکستان عطا کردیا ہے۔
یہ بھی پڑھیں:پاکستان اور ملائشیا کا دوطرفہ تجارت اور سرمایہ کاری پر مبنی تعلقات کو مضبوط بنانے پر اتفاق
اسلام آباد میں ملائیشیا کے وزیراعظم انور ابراہیم کو نشان پاکستان کا اعزاز دینے کے لیے پروقار تقریب کا انعقاد ہوا، تقریب میں وزیراعظم شہباز شریف، صدر مملکت آصف علی زرداری، اسپیکر قومی اسمبلی سردار ایاز صادق، ڈپٹی چیئرمین سینیٹ اور وفاقی وزرا نے شرکت کی۔
آرمی چیف جنرل سید عاصم منیر، چیئرمین جوائنٹ چیفس آف اسٹاف کمیٹی ساحر شمشاد مرزا اور دیگر عسکری قیادت نے بھی تقریب میں شرکت کی۔
یہ بھی پڑھیں: تعلقات کو مزید گہرا اور تعاون مضبوط کرنے کے لیے ملائیشیا کے وزیر اعظم سے بات چیت کا منتظر ہوں، شہباز شریف
تقریب میں صدر مملکت آصف علی زرداری نے ملائیشیا کے وزیراعظم انور ابراہیم کو نشان پاکستان سے نوازا۔
نائب وزیراعظم اسحاق ڈار، چیئرمین پاکستان پیپلز پارٹی بلاول بھٹوزرداری اور صوبائی گورنرز، وزرا اعلیٰ بھی تقریب میں شریک ہوئے۔
خیال رہے کہ وزیر اعظم شہباز شریف کی دعوت پر ملائیشیا کے وزیر اعظم 3روزہ سرکاری دورے پر گزشتہ روز پاکستان پہنچے تھے، وزیرِ اعظم محمد شہباز شریف نے اپنے ہم منصب کا نور خان ایئربیس پہنچنے پر پُرتپاک استقبال کیا۔
اسلام آباد پہنچنے پر پاک فوج کے چاک و چوبند دستے نے ملائیشیا کے وزیرِ اعظم کو سلامی دی، ان کو 21 توپوں کی سلامی بھی دی گئی۔
