بلوچستان کے دارالحکومت کوئٹہ میں نایاب نسل کے پرندوں کا میلہ گولستان روڈ پر سجایا گیا جس میں ملک بھر سے پرندوں کے شوقین افراد اپنے اپنے پرندے کے ہمراہ اس شو میں شریک ہوئے.
اس برڈ شو میں 22 اقسام کے نادر و نایاب نسل پرندے لائے گئے تھے ان پرندوں میں لوو برڈ ، آسٹریلیوی طوطے اور ایکوا سمیت نادر نسل کے پرندے شامل تھے۔
وی نیوز سے بات کرتے ہوئے برڈ سوسائٹی کے عہدیدار نے بتایا کہ برڈ شو منعقد کرانے کا مقصد امن و محبت کے پیغام کو فروغ دینا ہے، اس کے علاوہ اس نوعیت کے برڈ شو کے ذریعے پرندوں کی خریدوفروخت بھی کی جاتی ہے۔
ملک میں پرندوں کی خریدوفروخت کا سلسلہ ہر سال بڑھتا جارہا ہے اور ایسا معلوم ہوتا ہے جیسے اب یہ ایک باقاعدہ کاروبار کی شکل اختیار کر گیا ہے، جہاں اس مرتبہ متعارف کرائے گئے پرندوں کی قیمت 3 ہزار سے لیکر 10 لاکھ روپے تک رہی ہے۔
مقابلے میں شریک پرندوں کے مالکان کا کہنا تھا کہ بلوچستان میں یہ سرگرمی تیزی سے پروان چڑھ رہی ہے جس کی حوصلہ افزائی کے لیے ایسے میلوں کا انعقاد خوش آئند ہے۔ تفصیل اس ویڈیو رپورٹ میں
