کویت کی وزارت داخلہ نے ٹریفک ضوابط میں کئی تبدیلیاں متعارف کرانے کا فیصلہ کیا ہے۔ ان میں ٹریفک خلاف ورزیوں پر بھاری جرمانے اور غیرملکیوں کے لیے گاڑیوں کی ملکیت پر پابندیاں شامل ہیں۔
یہ بھی پڑھیں:مصحف الکویت ایپ کا اجرا، قرآن مجید کی جدید خصوصیات کی حامل اشاعت
کویتی وزارت داخلہ کے ایک عہدیدار اسسٹنٹ انڈر سیکرٹری ٹریفک امور اور آپریشننز میجر جنرل یوف الخدہ نے میڈیا سے گفتگو میں کہ نئے قانون میں غیرملکیوں کو صرف ایک گاڑی رکھنے کی اجازت دی گئی ہے۔
یہ پابندی ملک میں ٹریفک کا رش کم کرنے اور روڈ سیفٹی کو بہتر بنانے کے اقدام کا حصہ ہے۔ کویت میں اس وقت 25 ملین گاڑیاں رجسٹرڈ ہیں۔
انہوں نے کہا کہ موجودہ ٹریفک قانون 1976 میں متعارف کرایا گیا تھا اور اس میں خلاف ورزیوں پر جرمانے اور سزائیں زیادہ سخت نہیں ہیں۔
یہ بھی پڑھیں:کویت نے ویزا حد کیخلاف ورزی کرنے والوں کو ملک بدر کرنا شروع کردیا
نئے قانون میں سب سے کم جرمانہ ممنوعہ علاقے میں پارکنگ پر 15 کویتی دینار اور سنگین خلاف ورزی پر جرمانہ پانچ ہزار کویتی دینار تک ہو گا۔
انہوں نے کہا کہ کویت میں اوسط یومیہ 300 ٹریفک خلاف ورزیاں ہوتی ہیں جن میں 90 فیصد لاپروای سے ڈرائیونگ یا دوران ڈرائیونگ موبائل فون کے استعمال کی وجہ سے ہوتی ہیں۔
