وزیراعظم پاکستان شہباز شریف فیوچر انویسٹمنٹ انیشیٹو کانفرنس کے آٹھویں ایڈیشن میں شرکت کے لیے 29 سے 30 اکتوبر تک سعودی عرب کا دورہ کریں گے۔
ترجمان دفتر خارجہ کے مطابق وزیراعظم شہباز شریف 29 سے 30 اکتوبر تک سعودی عرب کا سرکاری دورہ کریں گے، جہاں وہ فیوچر انویسٹمنٹ انیشیٹو کانفرنس کے آٹھویں ایڈیشن میں شرکت کریں گے۔
یہ بھی پڑھیں وزیراعظم شہباز شریف کی سعودی عرب کو 94ویں یوم الوطنی کے موقع پر مبارکباد
ترجمان نے بتایا کہ وزیراعظم شہباز شریف کے ساتھ اہم وفاقی وزرا بھی سعودی عرب جائیں گے۔
ترجمان دفتر خارجہ کے مطابق فیوچر انویسٹمنٹ انیشیٹو سرمایہ کاری کے حصول، اقتصادی طاقت اور پائیدار مستقبل کے مواقع فراہم کرنے والا پلیٹ فارم ہے۔
ترجمان دفتر خارجہ نے بتایا کہ رواں برس فیوچر انویسٹمنٹ انیشیٹو کی تھیم لامتناہی افق رکھی گئی ہے۔
ترجمان کے مطابق وزیراعظم شہباز شریف کی سعودی ولی عہد وزیراعظم شہزادہ محمد بن سلمان اور دیگر اعلیٰ سعودی حکام کے ساتھ ملاقاتیں متوقع ہیں۔
ترجمان دفتر خارجہ نے بتایا کہ پاک سعودی قیادت کی ملاقاتوں میں اقتصادی و اسٹرٹیجک شراکت داری کی امور زیر بحث آئیں گے۔ ’پاک سعودی قیادت کی ملاقاتوں میں دو طرفہ تعاون بالخصوص معیشت، توانائی اور دفاعی شعبوں میں تعاون کو فروغ دینے پر بات چیت کی جائے گی‘۔
یہ بھی پڑھیں سعودی عرب نے ہر مشکل وقت میں پاکستان کا ساتھ دیا، سرمایہ کاری کو سراہتے ہیں، وزیراعظم شہباز شریف
ترجمان دفتر خارجہ نے بتایا کہ وزیراعظم فورم میں شریک دیگر ممالک کے رہنماؤں سے بھی ملاقاتیں کریں گے۔
