خیبرپختونخوا کی نگراں کابینہ کے اجلاس کے موقع پر پیدا ہونے والی منفرد صورتحال نے سوشل ٹائم لائنز پر کہیں مسکراہٹیں تو کہیں تشویش بکھیر ڈالی۔
نو اپریل کو حکومت خیبرپختونخوا کے ایڈمنسٹریشن ڈیپارٹمنٹ (کیبنٹ ونگ) کے جاری کردہ سرکلر میں بتایا گیا ہے کہ 10 اپریل کو ہونے والی کابینہ میٹنگ کی صدارت نگراں وزیراعلی خود نہیں کریں گے۔
https://twitter.com/TheLehaz/status/1645338745497956352
سرکاری حکمنامہ شیئر کرنے والے صارفین نے معاملے کے ایک دلچسپ پہلو کی نشاندہی کرتے ہوئے بتایا کہ نگراں وزیراعلی کی عدم موجودگی میں اب ان کے ہم زلف میٹنگ کی صدارت کریں گے۔
بعد ازاں کابینہ کا اجلاس منعقد ہوا جس میں فیصلہ کیا گیا کہ نگراں کابینہ ملک میں قومی و صوبائی اسمبلیوں کے انتخابات ایک ہی دن منعقد کرنے کا مطالبہ کرتی ہے۔
اجلاس میں یہ مطالبہ بھی کیا گیا کہ منتخب حکومت کے بجائے نگراں حکومتوں کے تحت پورے ملک میں انتخابات کروائے جائیں اور پنجاب اسمبلی کے انتخابات مئی میں کرانے پر نگران کابینہ شدید تحفظات کا اظہار کرتی ہے۔ کیونکہ پنجاب اسمبلی کے انتخابات جلد کرانے سے قومی انتخابات پر یہ نتائج اثرانداز ہو سکتے ہیں۔
کابینہ اجلاس میں فیصلہ کیا گیا کہ اس وقت صوبے میں امن وامان کی صورتحال انتخابات کے انعقاد کے لیے موزوں نہیں۔
یہ فیصلہ سوشل ٹائم لائنز پر آیا تو متعدد صارفین نے موقف اپنایا کہ خیبرپختونخوا کی نگراں کابینہ نے عملا انتخابات کے انعقاد سے معذرت کر لی ہے۔
