وکٹ کیپر بلے باز میتھیو ویڈ نے بین الاقوامی کرکٹ سے ریٹائرمنٹ کا اعلان کیا ہے، وہ پاکستان کے خلاف ٹی20 سیریز میں آسٹریلیا کے کوچ کے طور پر خدمات انجام دیں گے۔
آسٹریلوی میڈیا کے مطابق ویڈ نے کہا کہ میں جانتا تھا کہ ٹی20 ورلڈ کپ کے بعد بین الاقوامی کرکٹ میں میرا وقت ختم ہونے والا ہے۔ بین الاقوامی کرکٹ سے ریٹائرمنٹ اور کوچنگ کا کردار ادا کرنے کے حوالے سے گزشتہ 6 ماہ سے جارج (بیلی) اور اینڈریو (میکڈونلڈ) کے ساتھ بات چیت جاری تھی۔ میں پچھلے کچھ برس سے کوچنگ کے بارے میں سوچ رہا تھا اور میں اس نئے کردار کے لیے بہت پرجوش اور شکر گزار ہوں۔
36 Test matches. 97 ODIs. 92 T20 Internationals.
Congratulations to Matthew Wade on an outstanding international cricket career! pic.twitter.com/SDWl1OhqZC
— Cricket Australia (@CricketAus) October 29, 2024
مزید پڑھیں:کپتان بننا اعزاز کے ساتھ چیلنج، آسٹریلیا کو ہرائیں گے : محمد رضوان
ویڈ اس سے قبل مارچ 2024 میں ٹیسٹ کرکٹ سے ریٹائر ہو گئے تھے۔ ویڈ جون 2024 میں منعقدہ ٹی20 ورلڈ کپ میں آسٹریلوی ٹیم کا حصہ تھے اور اس کے بعد ستمبر 2024 میں دورہ انگلینڈ کے دوران ویڈ کو آسٹریلوی ٹیم میں جگہ نہیں ملی تھی۔
ویڈ بی بی ایل اور دیگر فرنچائز ٹی20 ٹورنامنٹ کھیلنا جاری رکھیں گے۔ وہ بی بی ایل میں ہوبارٹ ہریکینز کا حصہ ہیں۔ وہ پاکستان کے خلاف ٹی20 سیریز میں آندرے بورووک کی زیر قیادت کوچنگ ٹیم کا حصہ ہوں گے۔ غیر سرکاری طور پر وہ ون ڈے سیریز کے دوران آسٹریلیا کی کوچنگ ٹیم سے بھی منسلک رہیں گے۔ اینڈریو میکڈونلڈ کی قیادت میں کوچنگ ٹیم بھارت کے خلاف ٹیسٹ سیریز کی تیاری کرے گی۔
Matthew Wade has called time on his 13-year international career 👏
Wade will continue to play white-ball cricket both domestically and overseas, and is already moving into coaching.
He’ll be Australia’s keeping and fielding coach for next month’s T20 series v Pakistan. pic.twitter.com/Vvim7lPDiO
— 7Cricket (@7Cricket) October 29, 2024
مزید پڑھیں:پاکستان کیخلاف ون ڈے سیریز، آسٹریلیا کا اسکواڈ کا اعلان
ویڈ نے 2011 سے 2024 کے درمیان آسٹریلیا کے لیے کل 36 ٹیسٹ، 97 ون ڈے اور 92 ٹی20 میچ کھیلے ہیں۔ انہوں نے متحدہ عرب امارات (یو اے ای) میں آسٹریلیا کی ٹی20 ورلڈ کپ جیت میں اہم کردار ادا کیا تھا۔ سیمی فائنل میں انہوں نے پاکستان کے خلاف 17 گیندوں پر 41 رنز بنائے تھے۔
