پاکستان کرکٹ بورڈ (پی سی بی) ویمن ونگ کی سربراہ تانیہ ملک نے عہدے سے استعفیٰ دے دیا ہے، جبکہ پاکستان سپر لیگ (پی ایس ایل) کے ڈائریکٹر صہیب شیخ نے بھی بورڈ سے راہیں جدا کرلی ہیں۔
پاکستان کرکٹ بورڈ ویمن ونگ کی سربراہ تانیہ ملک نے ایشیا کپ اور ورلڈ کپ میں ویمن ٹیم کی ناقص کارکردگی پر عہدے سے استعفیٰ دیا ہے۔
یہ بھی پڑھیں پاکستان کرکٹ بورڈ میں ڈاکٹر آنے کے بعد سرجری ہوگی، معین خان
میڈیا رپورٹس کے مطابق تانیہ ملک نے پاکستان کرکٹ بورڈ کے عہدے سے مستعفی ہونے کی تصدیق بھی کردی ہے۔
تانیہ ملک نے 2021 میں پاکستان کرکٹ بورڈ میں ویمن ونگ کے سربراہ کی حیثیت سے ذمہ داریاں سنبھالی تھیں۔
دوسری جانب پاکستان سپر لیگ (پی ایس ایل) کے ڈائریکٹر صہیب شیخ بھی عہدے سے الگ ہوگئے ہیں۔
یہ بھی پڑھیں سوئنگ کے سلطان وسیم اکرم نے پاکستان کرکٹ بورڈ میں عہدہ سنبھالنے سے معذرت کیوں کی؟
صہیب شیخ 2016 سے 2019 تک پاکستان کرکٹ بورڈ سے منسلک رہے، جبکہ 13 ماہ قبل انہوں نے دوبارہ پاکستان کرکٹ بورڈ میں ڈائریکٹر پی ایس ایل کی حیثیت سے ذمہ داریاں سنبھالی تھیں۔
