کتنے ٹیکس گوشوارے جمع کرادیے گئے، رقم کتنی آئی؟

اب تک تقریباً 50 لاکھ افراد نے انکم ٹیکس گوشوارے جمع کرادیے ہیں جبکہ انکم ٹیکس کی مد میں 126 ارب روپے وصول کیے گئے ہیں۔

مزید پڑھیے: ٹیکس جمع نہ کروانے والوں کے لیے بُری خبر، سموں کی منسوخی سمیت ایف بی آر کے بڑے فیصلے

ایف بی آر کے اعدادوشمار کے مطابق 30 اکتوبر 2024 تک کے انکم ٹیکس گوشواروں کا ڈیٹا پیش کیا گیا ہے جس کے مطابق ٹیکس سال 2024میں پاکستان بھر میں 49لاکھ 93 ہزار 970ٹیکس گوشوارے جمع ہو گئے ہیں۔

30 اکتوبر 2024 تک جمع کرائے گئے ٹیکس گوشواروں کے ساتھ 126ارب 52 کروڑ 30لاکھ روپے کا ٹیکس جمع کرلیا گیا۔ سال 2023 میں 30اکتوبر 2023 تک 27لاکھ 15ہزار 185ٹیکس گوشوارے جمع کرائے گئے تھے جس کے ساتھ 67 ارب 73کروڑ 40لاکھ روپے کا ٹیکس جمع کرایا گیا تھا۔

یہ بھی پڑھیں: ٹیکس نظام کی بہتری اور محصولات میں اضافے کے لیے ایف بی آر نے نیا سسٹم متعارف کرادیا

ٹیکس سال 2024 میں 19لاکھ 21ہزار 490 گوشواروں میں اپنی سالانہ آمدنی زیرو(نل فائلر) بتائی گئی جبکہ ٹیکس سال 2023-24میں گزشتہ سال 30اکتوبر تک 27لاکھ 15ہزار 285 ٹیکس گوشوارے جمع کیے گئے۔