بانی چیئرمین پاکستان تحریک انصاف (پی ٹی آئی) عمران خان کی اہلیہ بشریٰ بی بی لاہور زمان پارک سے پشاور روانہ ہوچکی ہیں۔ بشریٰ بی بی قافلے کے ہمراہ وزیراعلیٰ ہاؤس پشاور جائیں گی۔
اس سے قبل جب اڈیالہ جیل میں 190ملین پاؤنڈ کیس کی سماعت کے بعد بشریٰ بی بی راولپنڈی سے رات گئے لاہور زمان پارک والی رہائشگاہ پہنچیں تو ان کے پیچھے پنجاب پولیس کی بھاری نفری بھی وہاں متجمع ہوگئی۔
مزید پڑھیں: بشریٰ بی بی پشاور سے اسلام آباد روانہ، عمران خان سے بھی ملاقات کریں گی
پی ٹی آئی ذرائع کے مطابق پولیس رات گئے قیدیوں کی وین اور واٹر کینن کے ہمراہ زمان پارک پہنچی اور عمران خان و بشریٰ بی بی کی رہائشگاہ کے اطراف پر بیریئر لگا کر ہر آنے جانے والے پر نظریں جمالیں۔
واضح رہے بشریٰ بی بی 30اکتوبر کو پشاور سے ہی اسلام آباد روانہ ہوئی تھیں جہاں انہوں نے اڈیالہ جیل میں عمران خان سے ملاقات کی تھی، جس کے بعد وہ زمان پارک لاہور چلی گئیں۔
یہ بھی پڑھیں: کیا بشریٰ بی بی زمان پارک سے پاکپتن جائیں گی؟
تاہم، زمان پارک میں قیام کے بعد بشریٰ بی بی آج پشاور کے لیے روانہ ہوچکی ہیں، زمان پارک سے روانگی کے وقت ان کے ہمراہ سیکیورٹی کی گاڑیاں بھی موجود تھیں۔
