2024 کے امریکی صدارتی انتخابات سے متعلق تھائی لینڈ کے ایک دریائی گھوڑے نے پیشگوئی کی تھی کہ ڈونلڈ ٹرمپ کو کامیابی حاصل ہوگی۔
تھائی لینڈ میں دریائی گھوڑے کے ایک بچے نے صدارتی امیدوار کملا ہیرس پر سابق صدر ڈونلڈ ٹرمپ کی جیت کی پیشگوئی کر کے بین الاقوامی توجہ حاصل کی تھی۔
یہ بھی پڑھیں: ’کملا ہیرس انتخاب جیتیں گی‘ مشہور مؤرخ کی پیشگوئی غلط ثابت
یہ پیشگوئی تھائی لینڈ کے صوبہ چونبوری میں کھاؤ کھیو اوپن چڑیا گھر کے منتظمین نے شیئر کی تھی۔ پیشگوئی کرنے کے لیے مو ڈینگ نامی دریائی گھوڑے نے تربوز کے دو کیک کے درمیان انتخاب کیا، دونوں کیک پر ایک صدارتی امیدوار کا نام لکھا تھا۔
دریائی گھوڑے نے جس تربوز کا انتخاب کیا اس پر ڈونلڈ ٹرمپ کا نام لکھا تھا۔
یہ بھی پڑھیں: امریکا کے 47ویں منتخب صدر، ڈونلڈ ٹرمپ کے کیریئر پر ایک نظر
ایکس پر ایک صرف نے اس حوالے سے تبصرہ کرتے ہوئے لکھا کہ اگر مو ڈینگ کو لگتا ہے کہ ٹرمپ کو فتح حاصل ہوگی، تو پھر ہم بحث کرنے والے کون ہوتے ہیں؟
صارف نے یہ بھی کہا کہ کیک اور پراعتمادی، جیت کے لیے اس سے بہتر کومبو اور کیا ہوگا۔
اب امریکا کے صدارتی الیکشن ہوچکے ہیں اور ڈونلڈ ٹرمپ واضح اکثریت سے صدر منتخب ہوچکے ہیں۔
