چیئرمین وائرلیس اینڈ انٹرنیٹ سروس پروائیڈرز ایسوسی ایشن نے ملک بھر میں غیر رجسٹرڈ وی پی این بلاک کرنے کا معاملے پر سیکریٹری داخلہ کو خط لکھ دیا۔
سیکریٹری داخلہ کو لکھے گئے خط میں وائرلیس اینڈ انٹرنیٹ سروس پروائیڈرز نے وی پی این رجسٹریشن کی تاریخ میں توسیع کا مطالبہ کیا ہے۔
یہ بھی پڑھیں:فائر وال فعال: ملک میں انٹرنیٹ اور وی پی این میں خلل
خط کے مندرجات کے مطابق رجسٹریشن کی تاریخ میں توسیع حکومت کے مقاصد کے حصول میں مددگار ثابت ہوگی۔ وی پی این رجسٹریشن کرنے کے عمل سے متعلق شہریوں کو آگاہی دینے کی ضرورت ہے۔
خط کے مطابق ایسوسی ایشن وی پی اینز کو ریگولیٹ کرنے کی حکومتی کوششوں کی تعریف کرتی ہے۔ وی پی اینز کی رجسٹریشن کا عمل آسان کرنے سے شہریوں، فری لانسرز اور کاروبار کو سہولت ہوگی۔
خط کے مندرجات کے مطابق پہلے سے جاری عمل میں حساس معلومات سے متعلق پائے جانے والے خدشات دور ہوئے، فری لانسرز اور شہریوں نے وی پی این کی رجسٹریشن کا عمل شروع کردیا ہے۔
ایسوسی ایشن اپنے ممبران کو وی پی این استعمال کا محفوظ راستہ اپنانے کی ترغیب دی رہی ہے۔ سروس پروائیڈرز آئی ٹی انڈسٹری کے ساتھ مل کر وی پی این رجسٹریشن کا عمل مزید آسان کرسکتے ہیں۔
پہلے سے شکوک و شبہات میں صارفین کا اعتماد بحال کرنے کی ضرورت ہے۔
واضح رہے کہ پی ٹی اے نے یکم دسمبر سے غیر رجسٹرڈ وی پی این کو بلاک کرنے کا فیصلہ کررکھا ہے۔
