پاکستان اسٹاک ایکسچینج کی جانب سے ہفتہ وار رپورٹ کے مطابق بازارِ حصص میں کاروباری ہفتے میں مثبت رجحان رہا۔ جہاں 100 انڈیکس 5 ہزار 247 پوائنٹس کے اضافے سے 1 لاکھ 14 ہزار 301 پر بند ہوا ہے۔ کاروباری ہفتے کے دوران 100 انڈیکس 7 ہزار 546 پوائنٹس کے بینڈ میں رہا۔
مزید پڑھیں: ایک اور نیا ریکارڈ، اسٹاک ایکسچینج 1 لاکھ 15 ہزار کی حد عبور کر گیا
شیئر مارکیٹ میں 100 انڈیکس کی ہفتہ وار بلند ترین سطح 1 لاکھ 15 ہزار 172 جبکہ کم ترین سطح 1 لاکھ 7 ہزار 625 رہی۔ پاکستان اسٹاک ایکسچینج میں اس ایک ہفتےمیں 6.81 ارب شیئرز کے سودے ہوئے، جہاں کاروبار کی مالیت 302 ارب روپے رہی۔ مارکیٹ کیپٹلائزیشن ہفتے بھر میں 732 ارب بڑھ کر 14 ہزار 587 ارب روپے ہوئی ہے۔
