’اپنے حلقے میں نہیں جا سکتا وہاں طالبان کا قبضہ ہے‘، شیر افضل مروت کی ویڈیو وائرل

پاکستان تحریک انصاف کے رہنما شیر افضل مروت کا کہنا ہے کہ وہ اپنے حلقے میں نہیں جاسکتے کیونکہ طالبان نے وہاں قبضہ کیا ہوا ہے۔

شیر افضل مروت نے قومی اسمبلی سے اظہار خیال کرتے ہوئے کہا کہ اگر کوئی کہتا ہے کہ راوی چین کی بانسری بجا رہا ہے تو وہ جھوٹ بول رہا ہے۔ ان کا کہنا تھا کہ بد امنی ہے اور مہنگائی بڑھ رہی ہے اور طالبان نے بہت سے حلقوں پر قبضہ کیا ہوا ہے اور یہ صورتحال بہت سے اضلاع میں ہے۔

شیر افضل مروت کا یہ بیان سوشل میڈیا پر وائرل ہوا تو صارفین کی جانب سے پی ٹی آئی پر شدید تنقید کی گئی۔ خواجہ یاسین عثمانی لکھتے ہیں کہ شیر افضل مروت خیبرپختونخوا میں اپنی حکومت کی نا اہلی کا اعتراف کر رہے ہیں۔

میں اپنے حلقے میں نہیں جا سکتا کیونکہ وہاں خیبرپختونخوا میں طالبان نے قبضہ کیا ہوا ہے، شیر افضل مروت کا خیبرپختونخوا میں اپنی حکومت کی نا اہلی کا اعتراف pic.twitter.com/5kzZ1KsBN8

— Khawaja Yaseen Usmani (@YaseenUSM_Offl) December 17, 2024

اطہر سلیم نے وزیراعلیٰ خیبرپختونخوا کو آڑے ہاتھوں لیتے ہوئے کہا کہ گنڈاپور صاحب ہر دوسرے دن آپ کو اسلام آباد میں دہشت گردی کرنی ہوتی ہے مگر آپ کو اپنے صوبے کے بارے میں علم نہیں۔

میں اپنے حلقے میں نہیں جا سکتا کیونکہ وہاں خیبرپختونخوا میں طالبان نے قبضہ کیا ہوا ہے، شیر افضل مروت کا خیبرپختونخوا میں اپنی حکومت کی نا اہلی کا اعتراف..

گنڈاپور صاحب لعنت قبول فرمائیں ،ہر دوسرے دن اپکو اسلام آباد میں دہشت گردی کرنی ہوتی ہے مگر اپنے صوبے کا پتہ نہیں pic.twitter.com/bRxKLh47ng

— Ather Salem® (@AthSa01) December 17, 2024

ڈاکٹر سیدہ صف لکھتی ہیں کہ علی امین گنڈاپور اور ان کے وزیرو مشیر جھوٹ بول رہے ہیں کہ خیبر پختونخوا میں امن ہے جبکہ شیر افضل مروت کہہ رہے ہیں کہ وہ اپنے حلقے میں نہیں جا سکتے کیونکہ وہاں طالبان کا قبضہ ہے، خیبرپختونخوا کا پیسہ جلسے جلوسوں پر لگ رہا ہے اور پولیس کے پاس جدید ہتھیار اور گاڑیاں نہیں ہیں۔

شیر افضل مروت نے پختونخواہ حکومت کر رگڑ دیا۔

👈علی آمین اسکے وزیر مشیر جھوٹ بول رہے ہیں کہ پختون خواہ میں امن ہے۔ میں اپنے حلقے میں نہیں جا سکتا طالبان نے وہاں قبضہ کیا ہوا ہے۔ پختونخواہ کا پیسہ جلسے جلوسوں پر لگ رہا ہے۔ پولیس کے پاس جدید ہتھیار اور گاڑیاں نہیں ہے۔ شیر افضل… pic.twitter.com/xhVqaL76vD

— Dr Syeda Sadaf (@DrSyeda_Sadaf) December 17, 2024

شیر افضل مروت کے بیان پر صحافی فرزانہ علی نے طنزاً سوال کیا کہ ان کے حلقے میں کس جماعت کی حکومت ہے؟