ترکیہ کے جنوب مغربی علاقے میں ایک اسپتال کے ساتھ ٹکرانے کے بعد ہیلی کاپٹر گر کر تباہ ہو گیا جس کے نتیجے میں 2 پائلٹس، ایک ڈاکٹر اور جہاز میں سوار ایک ملازم سمیت 4 افراد جاں بحق ہو گئے تھے۔
یہ بھی پڑھیں:شمالی وزیرستان ہیلی کاپٹر حادثہ: روس نے اپنے شہریوں کی ہلاکت کی تصدیق کردی
اتوار کو موگلہ کے صوبائی گورنر ادریس اکبیک کے مطابق یہ حادثہ ٹیک آف کے دوران پیش آیا اور اس کی وجہ شدید دھند ہے۔
انہوں نے بتایا کہ ہیلی کاپٹر اڑان بھرنے کے دوران اسپتال کی چوتھی منزل سے ٹکرانے کے بعد زمین پر گر گیاتاہم حادثے کی وجوہات کی تحقیقات جاری ہیں۔
ویڈیو فوٹیج میں دیکھا جاسکتا ہے کہ طیارہ اڑان بھرنے کے کچھ دیر بعد دھند میں ڈوب گیا اور اسپتال کے قریب ایک خالی میدان میں گر کر تباہ ہوگیا۔
مزید پڑھیں:ایرانی صدر ابراہیم رئیسی اور وزیر خارجہ ہیلی کاپٹر حادثہ میں جاں بحق، ایرانی میڈیا کی تصدیق
یہ واقعہ 2 ہفتے قبل ترکیہ کے جنوب مغربی صوبے اسپارٹا میں ایک اور ہیلی کاپٹر حادثے کے بعد پیش آیا ہے، جہاں ایک تربیتی مشق کے دوران 2 فوجی ہیلی کاپٹروں کے درمیان تصادم میں 6 فوجی جاں بحق ہو گئے تھے۔ وزارت دفاع نے ابھی تک اس حادثے کی وجہ واضح نہیں کی ہے۔
