وزیراعظم شہباز شریف آج ایک روزہ دورے پر کراچی پہنچ گئے ہیں۔ گورنر سندھ کامران خان ٹیسوری نے فیصل بیس آمد پر وزیراعظم کا خیر مقدم کیا۔
اپنے ایک روزہ دورے کے دوران، وزیراعظم شہباز شریف اسٹاک ایکسچینج میں ایک لاکھ پوائنٹس کا سنگ میل عبور ہونے کی خوشی میں منعقدہ تقریب میں شریک ہوں گے۔
یہ بھی پڑھیں: رواں ہفتے بجلی کی قیمتیں کم کرنے کے دستیاب آپشنز پر غور کریں گے، وزیراعظم شہباز شریف
وزیراعظم شہباز شریف کراچی پورٹ ٹرسٹ پر قائم ساؤتھ ایشین پورٹ ٹرمینل کا بھی دورہ کریں گے۔ ذرائع کے مطابق، وزیراعظم شہباز شریف کو بندرگاہ پر فیس لیس اسسمنٹ سسٹم پر بریفنگ دی جائے گی۔
اپنے ایک روزہ دورے میں، وزیراعظم شہباز شریف وزیراعلیٰ سندھ مراد علی شاہ سے بھی ملاقات کریں گے، وزیراعظم شہباز شریف کے ہمراہ وزیر خزانہ محمد اورنگزیب اور دیگر وزرا بھی ہوں گے۔
یہ بھی پڑھیں: وزیراعظم شہباز شریف وسوسوں کا شکار کیوں ہیں؟
ترجمان وزیراعظم ہاؤس کے مطابق، وزیراعظم ایف بی آر کی کسٹمز کلیئرنس کے خودکار نظام فیس لیس کسٹمز اسسمنٹ سسٹم کا افتتاح کریں گے، اس نظام کا مقصد کسٹمز کلیئرنس میں شفافیت اور کلیئرنس کے دورانیے میں کمی لانا ہے، وزیر اعظم نے اپنے گزشتہ دورہ کراچی میں اس خودکار نظام کی تنصیب کی ہدایات کی تھی۔
