پاکستان تحریک انصاف کے بانی چیئرمین عمران خان کے وکیل فیصل چوہدری نے کہا ہے کہ سابق وزیراعظم نے عرب ممالک سے متعلق پروپیگنڈے والے سوشل میڈیا اکاؤنٹس کی مذمت کرتے ہوئے ان سے لاتعلقی کا اظہار کیا ہے۔
یہ بھی پڑھیں: وزیراعظم کی امارات کے صدر سے ملاقات، سرمایہ کاری پر بھی اہم بات چیت
میڈیا سے گفتگو میں فیصل چوہدری کا کہنا تھا کہ عمران خان نے واضح کیا ہے کہ پاکستان تحریک انصاف کا ایسے سوشل میڈیا اکاؤنٹس سے کوئی تعلق نہیں۔
فیصل چوہدری نے کہا کہ عمران خان نے پاکستان کے مسائل اور حکومت کی مذاکراتی ٹیم کی سنجیدگی کو دیکھتے ہوئے مذاکرات کی حامی بھری۔
کمیٹی کی عمران خان سے ملاقات نہ کرانے کو مذاکرات سبوتاژ کرنے کی کوشش قرار دیتے ہوئے فیصل چوہدری کا کہنا تھا کہ بانی نے مسنگ پرسن کی تحقیقات کے لیے قاضی انور کی سربراہی میں کمیٹی بنا دی ہے جو اتوار تک اپنی رپورٹ مکمل کرے گی۔
مزید پڑھیے: متحدہ عرب امارات جانے والوں کے لیے کیریکٹر سرٹیفیکیٹ کیسے اور کہاں سے بنے گا؟
انہوں نے مزید کہا کہ پروپیگنڈا اکاؤنٹ سے متعلق بانی پی ٹی آئی نے اہم ہدایات جاری کی ہیں، عمران خان نے بشریٰ بی بی و شہدا سے متعلق پروپیگنڈا والےسوشل میڈیا اکاؤنٹس کی مذمت کی۔
