پاکستان کرکٹ ٹیم کے سابق کپتان اور اسٹار بیٹر بابراعظم کا موبائل فون گم ہوگیا ہے جس میں خیال کیا جاتا ہے کہ ان کے اہم شخصیات کے ساتھ رابطہ نمبرز اور ڈیٹا بھی موجود ہے۔
جمعرات کو سماجی رابطے کی ویب سائٹ ’ایکس‘ پر اپنی ایک پوسٹ میں پاکستان کرکٹ ٹیم کے سابق کپتان اور اسٹار بلے باز بابراعظم نے اپنے مداحوں اور فالورز کو مطلع کیا کہ ’میں نے اپنا فون اور تمام رابطے کھو دیے ہیں، جیسے ہی مجھے یہ مل جائے گا، میں واپس رابطے پر آ جاؤں گا۔
I have lost my phone and contacts. Will get back to everyone as soon as I find it.
— Babar Azam (@babarazam258) February 6, 2025
سماجی رابطے کی ویب سائٹ پر بابراعظم کی پوسٹ پر ان کے مداح اور عوام الناس تشویش میں مبتلا ہیں اور ملے جلے تاثرات شیئر کر رہے ہیں، سوشل میڈیا صارفین خاص طور پر ملک بھر میں مشہور آن لائن شخصیات سے متعلق حالیہ ڈیٹا لیکس کی روشنی میں بابراعظم کے لیے بھی پریشان ہیں۔
مزید پڑھیں:فخر زمان فارم میں آگئے، اوپنر بیٹسمین سوشل میڈیا پر وائرل کیوں ہورہے ہیں؟
حالیہ مہینوں میں اہم شخصیات کی لیک ہونے والی تصاویر، ویڈیوز اور ریکارڈنگز کی لہر نے پاکستان میں ڈیجیٹل سیکیورٹی کے بارے میں خدشات کو جنم دیا ہے۔ بابر اعظم کی ہائی پروفائل حیثیت کو دیکھتے ہوئے بہت سے لوگوں کو خدشہ ہے کہ بابراعظم کے موبائل کا کوئی بھی ڈیٹا جلد منظر عام پر آ سکتا ہے۔
بابر اعظم نے اپنے فون اور اس سنگین معاملے کے بارے میں ’ایکس‘ پوسٹ بھی کر دی ہے،6 فروری کو بابر اعظم نے اپنے آفیشل ٹوئٹر اکاؤنٹ (ایکس) پر اس افسوسناک واقعے کا اعلان کیا، جس نے ان مداحوں کو تجسس میں مبتلا کر دیا ہے۔
یہ بھی پڑھیں:بابر اعظم کا بڑا اعزاز، سابق کپتان کا بیٹ میلبرن اسٹیڈیم کی زینت کیوں بن گیا؟
تاہم بابراعظم نے اس بارے میں مزید تفصیلات فراہم نہیں کیں کہ آیا فون چوری ہواہے یا انہوں نے ایسے کہیں کھو دیا یا گم ہوا ہے۔
مزید پڑھیں:’بابر اعظم کے حق میں ٹوئٹ نہ کرتا تو اچھا تھا‘، فخر زمان نے خاموشی توڑ دی
سوشل میڈیا پر اس واقعے نے کچھ مداحوں کو گزشتہ ایک واقعے کی یاد دلا دی جب بابر اعظم نے مزاحیہ انداز میں بھارتی کپتان روہت شرما کو اپنے گمشدہ فون اور دیگر سامان کی یاد دہانی کرائی تھی۔ مداحوں نے فوری طور پر اس پوسٹ پر ردعمل ظاہر کیا تھا، کچھ نے بابراعظم کو اپنی مدد کی پیش کش کی اور کچھ نے صورتحال کے بارے میں ہلکے پھلکے لطیفے بنائے۔
