سری لنکا میں ٹرین کی زد میں آکر 6 ہاتھی ہلاک، 2 زخمی ہوگئے ہیں۔
میڈیا رپورٹس کے مطابق سری لنکا میں ٹرین پٹری کراس کرتے ہوئے ہاتھی ٹریل کی زد میں آگئے، جس سے 6 ہاتھی ہلاک جبکہ 2 زخمی ہوگئے۔
مسافر ٹرین کولمبو کے مشرقی علاقے ہابارانہ میں جنگلی حیات کے لیے مختص علاقے سے گزر رہی تھی۔
یہ بھی پڑھیں: بھوک پر قابو پانے کے لیے زمبابوے کا 200 ہاتھیوں کو ذبح کرنے کا فیصلہ
سری لنکن پولیس کے مطابق زخمی ہاتھیوں کا علاج جاری ہے۔
یاد رہے کہ سری لنکا میں ہاتھیوں کا ٹرین سے ٹکرا کر ہلاک ہونا کوئی پہلا واقعہ نہیں ہے، اس سے قبل بھی سینکڑوں ہاتھی ٹرین سے ٹکرا کر ہلاک ہوچکے ہیں جبکہ اس دوران کئی انسان بھی اپنی جان سے ہاتھ دھو بیٹھے۔
یہ بھی پڑھیں: سری لنکا میں ہاتھی تیزی سے مرنے لگے، سبب کیا ہے؟
سری لنکن میڈیا کے مطابق سالانہ تقریباً 20 ہاتھی ٹرینوں سے ٹکرا کر مرجاتے ہیں، ، گزشتہ سال سری لنکا میں مختلف واقعات میں مجموعی طور پر 170 سے زیادہ افراد اور تقریباً 500 ہاتھی مارے گئے تھے۔
سری لنکا میں ہاتھی اپنے قدرتی مسکن جنگلات کی کٹائی اور سکڑتے وسائل سے متاثر ہوتے ہیں اور تیزی سے انسانی سرگرمیوں کی جگہوں پر بھٹک گئے ہیں۔
یہ بھی پڑھیں: ہاتھی سے دوستی کی کوشش خاتون کو مہنگی پڑ گئی
ماہرین جنگلات نے ٹرین ڈرائیوروں کو بارہا خبردار کیا ہے کہ وہ رفتار رکھیں اور ریل کی پٹریوں پر جانوروں کو خبردار کرنے کے لیے ہارن بجا دیں۔
آج کے حادثے میں ہلاک ہونے والے ہاتھیوں میں ایک ہتھنی حاملہ تھی، جس کے پیٹ میں 2 بچے تھے، تینوں صبح کے وقت ٹرین کی پٹریوں کو عبور کرنے والے ایک بڑے ریوڑ کا حصہ تھے۔
یہ بھی پڑھیں: ملائیشیا: بچے کو ٹکر مارنے پر ہاتھیوں کا شدید انتقام، کارسواروں کے ساتھ کیا ہوا؟
گزشتہ سال اکتوبر میں ہابارانہ سے تقریباً 25 کلومیٹر (15 میل) دور منیریا میں ایک اور ٹرین ایک ریوڑ سے ٹکرا گئی، جس سے 2 ہاتھی ہلاک اور ایک زخمی ہو گیا تھا۔
سری لنکا میں ایک اندازے کے مطابق 7 ہزار جنگلی ہاتھی ہیں، سری لنکا میں ہاتھیوں کو قومی خزانہ سمجھا جاتا ہے اور ہاتھیوں کو مارنا یا نقصان پہنچانا مجرمانہ اقدام ہوتا ہے، ہاتھیوں کو ہلاک کرنے کے جرم کی سزا قید اور جرمانہ ہے۔
