آئر لینڈ اور سری لنکا کرکٹ ٹیموں کے درمیان جاری ٹیسٹ کے دوسرے روز آئرلینڈ نے اپنی تاریخ کا سب سے بڑا ٹیسٹ اسکور 492 سیٹ کیا جب کہ پال اسٹرلنگ اور کرٹس کیمفر کرکٹ کے طویل ترین فارمیٹ میں سنچریاں بنانے والے تیسرے اور چوتھے آئرش کھلاڑی بن گئے۔
’اے ایف پی‘ کے مطابق گال میں سری لنکا کے خلاف دوسرے ٹیسٹ کے دوسرے روز چائے کے وقفے سے کچھ دیر قبل آؤٹ ہونے والے پال اسٹرلنگ نے 103 اور کیمفر نے 111 رنز بنائے جب کہ اس سے قبل کپتان اینڈی بالبرنی کھیل کے پہلے روز 95 رنز بنا کر آؤٹ ہوئے تھے۔
لورکن ٹکر نے بھی اہم 80 رنز بنا کر اس تاریخی اسکور میں اپنا حصہ ڈالا جب کہ پہلے ٹیسٹ کی میزبان ٹیم کے ہیرو پربت جے سوریا نے 174 رنز کے عوض 5 وکٹیں حاصل کیں۔ اسیتھا فرنینڈو اور وشوا فرنینڈو نے 2، 2 کھلاڑیوں کو پویلین کی راہ دکھائی۔
A performance that showed Ireland belong 🙌 #SLvIRE pic.twitter.com/MC69YADZif
— ESPNcricinfo (@ESPNcricinfo) April 25, 2023
آئرلینڈ نے 2017 میں ٹیسٹ ٹیم کا اسٹیٹس حاصل کیا تھا اور وہ اب تک تمام 5 میچ ہار چکا ہے۔آئرش ٹیم کا سب سے زیادہ ٹیسٹ اسکور 339 تھا جو اس نے 2018 میں اپنے ابتدائی میچ میں پاکستان کے خلاف بنایا تھا۔
انتہائی گرم اور مرطوب کنڈیشنز میں پال اسٹرلنگ 74 بنانے کے بعد گزشتہ روز درد کے باعث ریٹائرڈ ہرٹ ہو گئے تھے۔ لورکن ٹکر کے آؤٹ ہونے کے بعد آج دوبارہ بیٹنگ کے لیے وہ میدان میں واپس آئے۔
End of the innings.
Incredible from the team, we finish on 492 all-out.
Time for a bowl.
WATCH: https://t.co/uMsnHMi5xS
SCORE: https://t.co/epQHAclj0P📸 @OfficialSLC | #BackingGreen ☘🏏 #SRIvIRE pic.twitter.com/Rn5Mugwnx7
— Cricket Ireland (@cricketireland) April 25, 2023
پال اسٹرلنگ نے اسیتھا فرنینڈو کو ڈیپ پوائنٹ پر اپر کٹ کھیلتے ہوئے چھکا مارا اور خوبصورت انداز میں اپنی پہلی ٹیسٹ سنچری مکمل کی۔ اس اننگز کے ساتھ وہ تینوں فارمیٹس میں سنچریاں بنانے والے بلے بازوں کی فہرست میں شامل ہوگئے ہیں۔
Ireland Test players with international centuries in all three formats:
– Kevin O'Brien
– Paul StirlingAn incredible achievement 👏 👏#BackingGreen ☘🏏 #SRIvIRE pic.twitter.com/5QDD8lfDvg
— Cricket Ireland (@cricketireland) April 25, 2023
اس کے فوراً بعد اسیتھا فرنینڈو نے ہی پال اسٹرلنگ کو 103 رنز پر آؤٹ کر دیا۔ فائن لیگ باؤنڈری پر دھنجایا ڈی سلوا نے ان کا کیچ پکڑا۔ اس کے بعد فرسٹ سلپ میں ڈائیو لگا کر دھنجایا ڈی سلوا نے کرٹس کیمفر کا کیچ لیا، وہ پربت جے سوریا کا تیسرا شکار بنے۔
آئرلینڈ کو پہلے ٹیسٹ میں ایک اننگز اور 280 رنز سے شکست کا سامنا کرنا پڑا تھا۔
