لاپتا افراد کے درجنوں کیسز کی سماعت کرنے والا اسلام آباد ہائیکورٹ کا اسپیشل بینچ ٹوٹ گیا۔ جسٹس ارباب محمد طاہر نے بینچ میں بیٹھنے سے معذرت کرلی۔ جسٹس محسن اختر کیانی کی سربراہی میں اسپیشل بینچ کیسز کی سماعت کر رہا تھا، جسٹس طارق جہانگیری بھی بینچ میں شامل تھے۔
مزید پڑھیں: مجھے چند مہینے اور مل جاتے تو لاپتا افراد کی تعداد صفر ہو جاتی، ریٹائرڈ جسٹس جاوید اقبال
جسٹس محسن اختر کیانی کا کہنا تھا کہ جسٹس ارباب محمد طاہر بینچ سے الگ ہو گئے ہیں، بینچ کی تشکیل نو کے لیے فائل قائم مقام چیف جسٹس کو بھجوا دیتے ہیں، لاپتا افراد کے بڑی تعداد میں کیسز بینچ میں سماعت کے لیے مقرر تھے۔
واضح رہے کہ اسلام آباد ہائیکورٹ نے 25 جولائی 2024 کو لاپتا افراد کے کیسز میں اسپیشل بینچ تشکیل دیا تھا۔ جسٹس محسن اختر کیانی کی سربراہی میں جسٹس طارق محمور جہانگیری اور جسٹس ارباب محمد طاہر بینچ کا حصہ تھے۔
مزید پڑھیں: قائمہ کمیٹی کی ایف آئی اے کو لاپتا افراد کو ہرصورت برآمد کروانے کی ہدایت، اہم بل بھی منظور
لارجر بینچ نے 30 جولائی 2024 سے لاپتا افراد کے کیسز کی سماعت شروع کی تھی۔ احمد فرہاد کیس میں جسٹس محسن اختر کیانی نے لاپتا افراد کے کیسز کے لیے لارجر بینچ کی تشکیل تجویز دی تھی۔
