امریکا میں 15 سال بعد سزائے موت کے کسی قیدی کو فائرنگ اسکواڈ کے آگے کھڑا کرکے موت کی نیند سلا دیا گیا تاہم مرنے سے قبل انہوں نے آخری بار خصوصی کھانے کی فرمائش کی۔
اے ایف پی کے مطابق 67 سالہ بریڈ سگمون نے 2001 میں اپنی گرل فرینڈ کے والدین کو قتل کیا تھا جس کے بعد انہیں گرفتار کیا گیا اور مقدمہ چلنے کے بعد سزائے موت سنائی گئی تھی۔
یہ بھی پڑھیے: سزائے موت کے مجرم کے اعزاز میں دعوت پر پولیس اہلکاروں کیخلاف مقدمہ درج
تاہم بریڈ سگمون نے اپنی موت کے لیے زہریلے انجیکشن یا برقی کرسی کے روایتی طریقوں سے ہٹ کر فائرنگ اسکواڈ کی گولیوں کا سامنے کرکے مرنے کی خواہش کی جسے منظور کیا گیا۔
واضح رہے کہ 1977 کے بعد سے اب تک امریکا میں صرف 3 افراد کو فائرنگ اسکواڈ کے ذریعے سزائے موت دی گئی ہے۔
جنوبی کیرولائنا کی ایک جیل میں فائرنگ اسکواڈ کا سامنا کرنے سے قبل بریڈ سگمون نے کے ایف سی کھانے کی خواہش کا اظہار کیا، وہ اس کھانے کو جیل میں اپنے ساتھیوں کے ہمراہ کھانے کی خواہش رکھتے تھے تاہم جیل مینول کے مطابق ان کی ساتھیوں کے ساتھ کھانا بانٹنے کی یہ درخواست رد کردی گئی۔
یہ بھی پڑھیے: ڈونلڈ ٹرمپ سزائے موت پر عملدر آمد میں دلچسپی کیوں لے رہے ہیں؟
بریڈ سگمون کو آخری بار کھانے کے لیے چکن پیس، پھلیوں اور آلو کے ساتھ بسکٹ اور چائے دی گئی۔
بعدازاں، انہیں گواہوں کی موجودگی میں فائرنگ اسکواڈ کے سامنے کھڑا کیا گیا، اور 3 اہلکاروں نے ان پر فائر کھول دیا جس کے بعد ڈاکٹر نے ان کی موت کی تصدیق کی۔
