عید کے موقع پر چھٹیاں موت کا پروانہ بن گئیں، لاہور کے علاقے مناواں میں عید کی زائد چھٹیاں کرنے پر دکاندار نے مبینہ طور پر تشدد کرکے 18 سالہ ملازم کی جان لے لی۔
واقعے کا مقدمہ درج کر کے ملزم کو گرفتار کر لیا گیا ہے، پولیس کے مطابق 18 سالہ عبداللہ ایک دودھ کی دکان پر پر کام کرتا تھا، جہاں عید کے موقع پر چھٹیاں کرنے پر دکان کے مالک اصغر نے غصے میں آ کر اسے شدید تشدد کا نشانہ بنایا۔
زخمی عبداللہ کو فوری طور پر طبی امداد کے لیے اسپتال منتقل کیا گیا تاہم وہ جانبر نہ ہو سکا اور دورانِ علاج دم توڑ گیا۔
یہ بھی پڑھیں:لاہور، ورچوئل ویمن پولیس اسٹیشن کی بروقت کارروائی، خاتون کو ہراساں کرنیوالا ملزم کرفتار
مناواں پولیس نے بروقت کارروائی کرتے ہوئے دکان کے مالک کو گرفتار کر لیا ہے اور مزید تفتیش جاری ہے جبکہ مقتول کے والد کی مدعیت میں نامزد ملزم کے خلاف مقدمہ درج کرلیا گیا۔
ایس پی کینٹ قاضی علی رضا کے مطابق 18 سالہ مقتول عبداللہ ملک شاپ پر کام کرتا تھا جہاں دوکان کے مالک ملزم اصغر نے چھٹیاں زیادہ کرنے کی پاداش میں عبداللہ کو تشدد کا نشانہ بنایا۔
زخمی عبداللہ کو طبی امداد کے لیے اسپتال منتقل کیا گیا جہاں وہ دم توڑ گیا، اہلِ علاقہ نے واقعے پر شدید افسوس کا اظہار کرتے ہوئے متاثرہ خاندان کو انصاف فراہم کرنے کا مطالبہ کیا ہے۔
مزید پڑھیں:لاہور انڈرپاس فائرنگ واقعہ: متعلقہ سیکیورٹی ایجنسی کے دفاتر سیل
ایس پی کینٹ قاضی علی رضا نے بتایا کہ مناواں پولیس نے ملزم اصغر عرف حسنین کو چھاپہ مار کر گرفتار کیا، مقتول کے والد شہزاد کی مدعیت میں نامزد ملزم کے خلاف مقدمہ درج کیا جارہا ہے۔
گرفتار ملزم اصغر کو مزید تفتیش کے لیے انویسٹی گیشن ونگ کے حوالے کردیا گیا ہے۔
