لاہور سمیت پنجاب کے کئی علاقوں میں صبح سویرے ہونے والی بارشوں سے گرمی کی شدت ٹوٹ گئی۔
لاہور کے علاقے مغل پورہ، مال روڈ، گڑھی شاھو، گوالمنڈی، لکشمی چوک، ماڈل ٹاون، سمن آباد، گلبرگ اور ٹاؤن شپ میں صبح سویرے بارش ہوئی جس سے موسم خوشگوار ہوگیا۔
یہ بھی پڑھیے: جمعرات اور جمعہ کے روز کن علاقوں میں بارشیں متوقع ہیں؟
لاہور کے علاوہ گجرات، فیصل آباد اور جھنگ میں بھی تیز ہواوں کے ساتھ بارش ہوئی ہے۔
اس کے ساتھ ساتھ قصور اور اردگرد کے علاقوں میں بھی بادل خوب برسے اورگرمی کی شدت میں کمی آئی۔
صوبہ خیبر پختونخوا کے علاقے بنوں اور کرک میں بارشیں ہوئیں اور دوسرے علاقوں پر بادل چھائے رہے۔
محمکہ موسمیات نے جمعرات اور جمعہ کے روز ان علاقوں میں بارشوں کی پیش گوئی کی تھیں۔
