مشرقی لیبیا میں سرت شہر کے قریب ہراوہ ساحل پر تارکین وطن کی کشتی کو پیش آنے والے حادثے کے بعد 11 افراد کی لاشیں برآمد ہوئی ہیں، جن میں 4 پاکستانیوں کی شناخت ہوئی ہے۔
یہ بھی پڑھیں لیبیا کشتی حادثہ میں ملوث بین الاقوامی گینگ کا اہم کارندہ گرفتار
ترجمان دفتر خارجہ کے مطابق تریپولی میں پاکستانی مشن کے مطابق مشرقی لیبیا کے علاقے سرت میں غیر ملکی افراد کو لے کر جانے والی کشتی ڈوبنے کا واقعہ پیش آیا ہے۔
انہوں نے کہاکہ سرت شہر کا دورہ کرنے والی پاکستان سفارت خانے کی ٹیم کے مطابق 11 تارکین وطن کی لاشیں ملی ہیں جس میں 4 پاکستانیوں کی شناخت ان کی کاغذات سے ہوئی، جبکہ 2 لاشوں کی شناخت نہیں ہو سکی۔
ترجمان نے بتایا کہ جن پاکستانیوں کی شناخت ہوئی ہے، ان کے نام زاہد محمود ولد لیاقت علی سکنہ گوجرانوالہ، سمیر علی ولد راجہ عبدالقدیر سکنہ منڈی بہاؤالدین، سید علی حسین ولد شفقت الحسنین سکنہ منڈی بہاؤالدین اور آصف علی ولد نذر محمد سکنہ منڈی بہاؤالدین ہیں۔
یہ بھی پڑھیں لیبیا کشتی حادثہ: 63 مسافر پاکستانی تھے، 16 لاشیں برآمد، وزارت خارجہ
ترجمان کے مطابق تریپولی میں پاکستانی سفارت خانہ مزید تفصیلات اکٹھی کررہا ہے۔
