پی ایس ایل سیزن 10 کے دسویں میچ میں اسلام آباد یونائیٹڈ کو 6 وکٹوں سے شکست دے کر مسلسل چوتھی فتح اپنے نام کرلی ہے۔
پی ایس ایل سیزن 10 کے دسویں میں اسلام آباد یونائیٹڈ نے ٹاس جیت کر کراچی کنگز کو بیٹنگ کی دعوت دی اور پہلے فیلڈنگ کا فیصلہ کیا، کراچی کنگز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 128 رنز بنائے اور اسلام آباد یونائیٹڈ کو جیت کے لیے 129 رنز کا ہدف دیا ہے۔
یہ بھی پڑھیں: پی ایس ایل 10 : ملتان سلطانز کو مسلسل تیسری شکست، پشاور زلمی نے 120رنز سے ہرادیا
اسلام آباد یونائیٹڈ نے کراچی کنگز کا دیا گیا ہدف 17.1 اوورز میں 4 وکٹوں کے نقصان پر حاصل کرلیا، اسلام آباد کی جانب سے صاحبزادہ فرحان 30، اعظم خان 31 اور کپتان شاداب خان 47 رنز بناکر نمایاں رہے۔
اس سے قبل کراچی کنگز نے پہلے بیٹنگ کرتے ہوئے 7 وکٹوں کے نقصان پر 128 رنز بنائے تھے، کراچی کنگز کی پہلی وکٹ 5 رنز پر گری، ڈیوڈ وارنر 3 رنز بناکر پویلین لوٹے، کراچی کنگز کی جانب سے ٹم شیفرٹ 30، جیمز ونس 4 اور سعد بیگ 20 رنز بنا کر آؤٹ ہوئے۔
یہ بھی پڑھیں: پی ایس ایل 10: کراچی کنگز نے کوئٹہ گلیڈی ایٹرز کو 56 رنز سے شکست دیدی
خوشدل شاہ نے 17 اور عباس آفریدی نے 22 رنزبنائے۔
کراچی کنگز اسکواڈ
کراچی کنگز میں ٹم شیفرٹ، ڈیوڈ وارنر، جیمز ونس، سعد بیگ، خوشدل شاہ، عرفان خان، محمد نبی، عامر جمال، عباس آفریدی، حسن علی اور میر حمزہ شامل ہیں۔
اسلام آباد یونیٹڈ، اسکواڈ
اسلام آباد یونائیٹڈ میں صاحبزادہ فرحان، اعظم خان، کولن منرو، حیدر علی، شاداب خان (کپتان)، محمد نواز، جیسن ہولڈر، محمد شہزاد، عماد وسیم، بین دروش اور نسیم شاہ شامل ہیں۔
یاد رہے کہ پی ایس ایل میں کراچی کنگز اور اسلام آباد یونائیٹڈ 22 بار مدمقابل ہوئی ہیں، جن میں سے 16 میچر میں اسلام آباد یونائیٹڈ نے کامیابی سمیٹی، کراچی کنگز 6 میچز میں فتحیاب ہوسکی۔
