پی ایس ایل 10 کے 14 ویں میچ میں پشاور زلمی نے لاہور قلندرز کو 7 وکٹوں سے شکست دیدی۔ پشاور زلمی نے سترھویں اوور میں 130 رنز کا ہدف پورا کرلیا۔ پشاور زلمی کی ایونٹ میں یہ دوسری کامیابی ہے۔ کپتان بابر اعظم نے 56 اور حسین طلعت نے 51 رنز بنائے اور آؤٹ نہیں ہوئے۔
اس سے قبل پہلے بیٹنگ کرتے ہوئے لاہور قلندرز کی پوری ٹیم 19.3 اوورز میں 129 رنز پر آؤٹ ہوگئی، لاہور قلندرز کی جانب سے فخززمان 10، آصف علی 5، ڈیرل مچل 2 اور سیم بلنگز 9 رنز بناکر آؤٹ ہوئے، عبداللہ شفیق صفر پر پویلین لوٹے۔
یہ بھی پڑھیں: شاداب خان کا کارنامہ، پی ایس ایل میں یہ اعزاز حاصل کرنے والے پہلے اسپنر بن گئے
شاہین شاہ آفریدی 16 رنز بنا سکے، سکندر رضا 52 رنز بناکر نمایاں رہے، رشاد حسین 13، حارث رؤف 10 اور محمد عاذب صفر رنز بناکر آؤٹ ہوئے۔
پشاور زلمی کی جانب سے لیوک ووڈ نے 2، الرازی جوزف نے 3، علی رضا نے ایک، حسین طلعت نے 2 اور عارف یعقوب نے ایک وکٹ حاصل کی۔
دو بار کے چیمپیئنز لاہور قلندرز نے اپنی لائن اپ میں دو تبدیلیاں کی ہیں، آصف علی اور محمد عازب نے محمد نعیم اور زمان خان کی جگہ لی ہے، جبکہ پشاور زلمی میں کوئی تبدیلی نہیں کی ہے۔
لاہور قلندرز میں فخر زمان، محمد نعیم، عبداللہ شفیق، ڈیرل مچل، سیم بلنگز، سکندر رضا، شاہین آفریدی، رشاد حسین، حارث رؤف، زمان خان اور آصف آفریدی اور محمد عازب شامل ہیں۔
یہ بھی پڑھیں: پی ایس ایل 10: اسلام آباد یونائیٹڈ کی ملتان سلطانز کیخلاف شاندار کامیابی
پشاور زلمی کے اسکواڈ میں بابر اعظم، صائم ایوب، محمد حارث، ٹم کوہلر کیڈمور، حسین طلعت، مچ اوون، عبدالصمد، لیوک ووڈ، الزاری جوزف، عارف یعقوب اور علی رضا شامل ہیں۔
دونوں ٹیموں کے مابیں اب تک 19 میچ کھیلے گئے ہیں جن میں سے پشاور زلمی 11 میچز میں فاتح رہی جبکہ لاہور قلندرز نے 8 میچز میں کامیابی حاصل کی۔
