امریکا اور چین ایک دوسرے کی اشیا پر بھاری محصولات عارضی مدت کے لیے کم کرنے پر راضی ہوگئے۔
یہ بھی پڑھیں: ٹرمپ کا چینی مصنوعات پر ٹیرف 80 فیصد تک لانے کا عندیہ
رائٹرز کے مطابق پیر کے روز دونوں ممالک نے کہا کہ وہ ایک دوسرے پر اپنے بھاری محصولات کو 90 دنوں کے لیے کم کرنے پر تیار ہوگئے ہیں۔
دنیا کی 2 سرفہرست معیشتوں نے تجارتی جنگ پر بریک لگا دیا ہے جس سے عالمی کساد بازاری کے خدشات ختم ہوگئے۔
مزید پڑھیے: ڈونلڈ ٹرمپ نے چین کے ساتھ ٹیرف اور تجارت پر مذاکرات کو خوش آئند قرار دے دیا
فریقین نے کہا کہ امریکا گزشتہ ماہ چینی درآمدات پر عائد اضافی محصولات کو اگلے 90 دنوں کے لیے 145 فیصد سے کم کر کے 30 فیصد کر دے گا جبکہ امریکی درآمدات پر چینی ڈیوٹی 125 فیصد سے کم ہو کر 10 فیصد ہو جائے گی۔
قبل ازیں اتوار کے روز امریکی صدر ڈونلڈ ٹرمپ نے سوئیٹزرلینڈ میں چینی حکام کے ساتھ تجارت اور ٹیرف کے معاملات پر ہونے والے مذاکرات کو خوش آئند قرار دیا تھا۔
مزید پڑھیں: ٹرمپ ٹیرف: چین کا امریکا کے خوشامدی ممالک کو سزا دینے کا اعلان
اپنے سماجی رابطے کے پیلٹ فارم ’ٹروتھ‘ پر پوسٹ انہوں نے لکھا تھا کہ دونوں کے درمیان مذاکرات ایک دوستانہ اور تعمیری ماحول میں ہوئے۔
ڈونلڈ ٹرمپ نے یہ بھی بتایا تھا کہ بہت سارے معاملات پر بحث ہوئی اور بہت ساری باتوں پر اتفاق ہوا۔
امریکی شیئر مارکیٹ میں تیزی
امریکا چین کے درمیان ٹیرف وار کی شدت کم ہونے پر امریکی حصص بازار میں تیزی آگئی۔
نیو یارک اسٹاک ایکسچینج کےاپ ڈیٹ کے مطابق ڈاؤ جونز انڈسٹریل ایوریج 1018 پوائنٹس اضافے سے 42267 ہوگیا ہے جبکہ ایس این پی 500 انڈیکس 156 پوائنٹس اضافے سے 5816 ہے۔
