پاکستان تحریک انصاف (پی ٹی آئی) کے بانی عمران خان نے کہا ہے کہ پی ٹی آئی اور افواج پاکستان میں اتحاد ہونا چاہیے۔
یہ بھی پڑھیں عمران خان اسٹیبلشمنٹ سے مذاکرات کے لیے نیم رضامند، علی امین گنڈاپور کو بات آگے بڑھانے کا سگنل
چیئرمین پی ٹی آئی بیرسٹر گوہر نے عمران خان سے اڈیالہ جیل میں ملاقات کرنے کے بعد میڈیا سے گفتگو کی، جس میں ان کا کہنا تھا کہ بانی پی ٹی آئی نے ہمیشہ کہاکہ یہ ملک بھی ان کا ہے اور فوج بھی ان کی ہے۔
اڈیالہ جیل سے بڑی خبر اگئی،پارٹی کے حوالے سے عمران خان نے کہا کہ اتحاد کا وقت ہے پارٹی اور افواج میں اتحاد ہونا چاہئیے،ہم چاہتے ہیں کہ ملک اتحاد کی طرف جائے، بیرسٹر گوہر pic.twitter.com/s98EZ3Rrus
— Hussain Ahmed Ch (@HussainAhmedCh8) May 20, 2025
بیرسٹر گوہر نے کہاکہ ہم نے ان ہاؤس تبدیلی کے حوالے سے افواہوں کی تردید کردی ہے، عمران خان نے کہاکہ ہم چاہتے ہیں ملک اتحاد کی طرف جائے۔
انہوں نے کہاکہ عمران خان نے اسٹیبلشمنٹ کے ساتھ مذاکرات کا دروازہ بند نہیں کیا، تاہم حکومت کے ساتھ بات چیت سے انہوں نے انکار کیا تھا۔
بیرسٹر گوہر نے کہاکہ ہماری افواج نے جس طرح بھارت کو جواب دیا اس سے ملک کے وقار میں اضافہ ہوا۔
یہ بھی پڑھیں دروازے بند نہیں کیے، اسٹیبلشمنٹ سے مذاکرات کا ٹاسک کسی کو نہیں سونپا، عمران خان
واضح رہے کہ بانی پی ٹی آئی عمران خان سے آج بیرسٹر گوہر، سلمان اکرم راجا اور دیگر نے ملاقات کی، تاہم علیمہ خان کو ایک بار پھر اندر جانے کی اجازت نہ مل سکی۔
