فرانس کے سابق وزیر اعظم کو لڑکیوں کے اسکارف پہننے پر پابندی کی تجویز پر شدید ردعمل کا سامنا ہے۔
یہ بھی پڑھیں: فرانسیسی صدر کو غیرملکی دورے کے دوران اہلیہ نے تھپڑ رسید کردیا، ویڈیو وائرل
فرانسیسی میڈیا کے مطابق صدر میکرون کی پارٹی کے سربراہ گیبریل اٹل نے کہا ہے کہ وہ 15 سال سے کم عمر لڑکیوں کے عوامی مقامات پر مسلم ہیڈ اسکارف پہننے پر پابندی لگانا چاہتے ہیں۔ اس بات پر ملک کے سیاسی میدان میں شور برپا ہوگیا ہے۔
فرانس کے سابق وزیر اعظم گیبریل اٹل کو 15 سال سے کم عمر کے بچوں کے لیے مسلم ہیڈ اسکارف پر پابندی عائد کرنے کے مطالبے کے بعد ہر طرف سے ردعمل کا سامنا کرنا پڑا۔
میڈیا کی توجہ حاصل کرنے اور ریاستی اتھارٹی کے معاملات پر مضبوطی دکھانے کے لیے، اٹل نے منگل 20 مئی کو ڈیفنس کونسل کے اجلاس سے ایک دن قبل فرانس میں اخوان المسلمین اور سیاسی اسلامیت کے بارے میں ایک رپورٹ کے بارے میں اپنی تجویز کا خاکہ پیش کیا۔
مزید پڑھیے: انگریزی لہجہ اختیار کرنے کی شوقین فرانسیسی خاتون کے ساتھ کیا ہوا؟
انہوں نے اس حوالے سے والدین کو سزا دینے کا بھی مطالبہ کیا۔ ان کے بیانات پر بائیں اور دائیں بازو حتیٰ کہ ان کی اپنی پارٹی کے اندر سے بھی تنقید ہوئی۔
وزیر اعظم کے طور پر ان کی پیشرو، الزبتھ بورن نے میڈیا سے گفتگو کرتے اٹل کی بات کی قانونی حیثیت پر سوال اٹھایا اور کہا کہ کیا ہم واقعی پولیس افسران کو چھوٹی بچیوں کو روکنے اور جرمانے کا تصور کر سکتے ہیں؟
