الیکشن کمیشن آف پاکستان نے رکن قومی اسمبلی جمشید دستی کو نااہل قرار دیتے ہوئے ان کی قومی اسمبلی کی رکنیت ختم کر دی ہے۔
یہ بھی پڑھیں: قومی اسمبلی میں جمشید دستی کا پی ٹی آئی قیادت کو سجدہ، اصل بات کیا ہے؟
الیکشن کمیشن کی جانب سے جاری فیصلے کے مطابق جمشید دستی کے خلاف2 درخواستیں منظور کی گئیں جن میں ان پر جعلی تعلیمی اسناد کے الزامات عائد کیے گئے تھے۔ الیکشن کمیشن نے قرار دیا کہ ان کی تعلیمی ڈگریاں جعلی ثابت ہو چکی ہیں، جس کی بنیاد پر انہیں آئین و قانون کے تحت نااہل قرار دیا گیا۔
فیصلے میں یہ بھی بتایا گیا کہ اسپیکر قومی اسمبلی کی جانب سے جمشید دستی کے خلاف جو ریفرنس الیکشن کمیشن کو بھجوایا گیا تھا، وہ بھی منظور کر لیا گیا ہے۔
یہ بھی پڑھیں: مظفر گڑھ میں رکن قومی اسمبلی جمشید دستی کیخلاف دہشتگردی کا مقدمہ درج
الیکشن کمیشن کے اس فیصلے کے بعد جمشید دستی اب پارلیمنٹ کی رکنیت سے محروم ہو چکے ہیں۔
