وزیراعلیٰ پنجاب مریم نواز نے کہا ہے کہ زیادہ خطرناک علاقوں سے پی ڈی ایم اے کو نکاسی آب جلدی کی جائے تاکہ نقصان کم ہو، اداراہ عوام سے رابطے میں رہے۔
پی ڈی ایم اے ہیڈکوارٹر لاہور میں گفتگو کرتے ہوئے وزیراعلیٰ پنجاب مریم نواز نے کہا کہ زیادہ رسک والے علاقوں سے نکاسی آب جلدی کی جانی چاہیے تاکہ زیادہ نقصان نہ ہو، اس کے لیے پی ڈی ایم اے کو عوام سے رابطہ رکھنا چاہیے، نظر آنا چاہیے کہ پی ڈی ایم اے عوام سے رابطے میں ہے۔
یہ بھی پڑھیں: پنجاب میں مریم نواز ہیلتھ کلینکس کیسے کام رہے ہیں؟
مریم نواز نے کہا کہ پی ڈی ایم اے نے کہا کہ دفعہ 144 لگادیا ہے، اس کا مطلب یہ نہیں ہے کہ آپ نے دفعہ 144 لگائی اور گھر میں بیٹھ گئے، وہاں پہ آپ کی نگرائی اور مانیٹرنگ ہونی چاہیے، مساجد میں بھی اعلان کروائیں کہ والدین بچوں کو پانی کے جوہڑ یا دریاؤں، ندی نالوں، نہروں میں نہانے سے منع کریں۔
انہوں نے کہا کہ پی ڈی ایم اے نے اس حوالے سے کام بھی کیا ہے، نالوں کی صفائی کی ہے، جس کو سراہتی ہوں، نالہ لئی میں لوگ کوڑا کرکٹ پھینکتے تھے، جس کی وجہ سے نالہ لئی کے ارد گرد کے علاقوں میں لوگ بارشوں کے دنوں میں کئی روز اپنے گھروں سے دور رہتے تھے، نالہ لئی اوور فلو ہوجاتا تھا، اس دفعہ انتہائی تیز بارشوں کے باوجود نالہ لئی کی صورتحال کنٹرول میں رہی ہے۔
یہ بھی پڑھیں: مریم نواز مری سے واپسی پر فیلڈ اسپتال دیکھ کر رک گئیں، سہولیات کا جائزہ
انہوں نے کہا کہ حالیہ بارشوں میں پی ڈی ایم اے نے جو ریلیف آپریشن کیا، اس پر سب کو شاباش دینا چاہوں گی، ریسکیو اہلکاروں نے اپنے جذبے اور محنت کے ساتھ کام کیا۔’میرے لیے وہ بڑا جذباتی سین تھا کہ ایک نوزائیدہ بچے کو بچا کر والدین کے حوالے کیا گیا۔‘
وزیراعلیٰ پنجاب نے کہا کہ حکومت عوام جان و مال کی حفاظت کے لیے کام کررہی ہے، پی ڈی ایم اے کی تیاری اچھی ہونی چاہیے ، ریسکیو اہلکاروں کو کسی بھی چیز کی ضرورت ہوتو پی ڈی ایم اے سے رابطہ کرے۔
