سعودی حکام نے خبردار کردیا ہے کہ پاکستانی عازمین حج کے پاس سے نسوار برآمد ہوئی تو انہیں انتہائی سخت سزا کاسامنا کرنا پڑے گا۔
ترک خبر رساں ادارے ٹی آر ٹی کے مطابق اس حوالے سے سعودی عرب کی انسداد منشیات فورس نے ہوائی اڈوں پر انتباہی پوسٹرز بھی لگوا دیے ہیں۔
خیال رہے کہ سعودی عرب سمیت تمام عرب ممالک نسوار کو منشیات کی فہرست میں شامل کر چکے ہیں۔
دوسری جانب سعودی وزارت صحت نے اپیل کی ہے کہ حج پرمٹ 15 شوال سے جاری ہوں گے لہذا عازمین حج تمام لازمی حفاظتی ٹیکے لگوائیں جبکہ اجازت نامے کے لیے حفاظتی ٹیکےاور ویکسینیشن مکمل کرنا بنیادی شرط ہے۔
حفاظتی ویکسین حج موسم شروع ہونے سے 10 دن پہلے لگوانی لازم ہے۔
