ہفتے کو لاہور کے کئی حصوں میں بارش اور ژالہ باری رپورٹ ہوئی جس سے فضائی معیار بہتر ہوا اور شہر دنیا کے سب سے زیادہ فضائی آلودگی والے شہروں میں 13ویں نمبر پر آ گیا جس کا ایئر کوالٹی انڈیکس (اے کیو آئی) اسکور 133 رہا۔
یہ بھی پڑھیں: دنیا کے آلودہ ترین شہر’دہلی‘ میں فضائی آلودگی سے نمٹنے کا کیا نیا منصوبہ بنایا جارہا ہے؟
گجومتہ، نشتر، چونگی، والٹن، ٹاؤن شپ اور ہربنس پورہ کے ساتھ ساتھ گلبرگ، ڈی ایچ اے، ماڈل ٹاؤن اور رائیونڈ روڈ کے علاقوں میں بارش رپورٹ ہوئی۔
محکمہ موسمیات کے مطابق بارش کے بعد صوبائی دارالحکومت کے درجہ حرارت میں بھی کمی آئی۔ شام 7 بجے لاہور کا کم از کم درجہ حرارت 18.5 ڈگری سینٹی گریڈ ریکارڈ کیا گیا۔
ہفتے کی رات تقریباً 8 بجے ریکارڈ کی گئی عالمی درجہ بندی میں لاہور 133 کے اے کیو آئی کے ساتھ 13ویں نمبر پر رہا جسے ’حساس گروہوں کے لیے غیر صحت مند‘ سمجھا جاتا ہے۔ ڈاکار، سینیگال 297 کے اے کیو آئی کے ساتھ فہرست میں سرفہرست رہا اس کے بعد کوچنگ، ملائیشیا 208 اور ممبئی، بھارت 186 کے ساتھ رہے۔
مزید پڑھیے: لاہور اور راولپنڈی کی ہوا مزید زہریلی، ماحولیاتی رینکنگ میں بہتری کے باوجود ایئر کوالٹی انتہائی تشویشناک
ایک مختلف مقامی ایئر کوالٹی اپ ڈیٹ نے لاہور کو سب سے زیادہ فضائی آلودگی والے پاکستانی شہروں میں چھٹے نمبر پر رکھا جس کا اوسط اے کیو آئی 172 تھا۔ مانیٹرنگ اسٹیشنز نے جی ٹی روڈ پر 222، راوی روڈ پر 211 اور ماڈل ٹاؤن میں 204 کی ریڈنگ ریکارڈ کی۔
شمال مشرقی پنجاب کے لیے موسم کی صورتحال pic.twitter.com/qdNtwaxVT4
— Pak Met Department محکمہ موسمیات (@pmdgov) October 24, 2026
دوسری جانب محکمہ موسمیات پاکستان نے آج موسم کا الرٹ جاری کیا جس میں گوجرانوالہ اور ملحقہ علاقوں پر ایک فعال موسمی نظام کی اطلاع دی۔ اس نے لاہور، سیالکوٹ، نارووال، گوجرانوالہ، شیخوپورہ، قصور اور ملحقہ علاقوں میں تیز ہواؤں، گرج چمک اور بارش کی پیشگوئی کی۔
مزید پڑھیں: اسلام آباد میں بوندا باندی، سرد ہواؤں سے موسم خوشگوار، بارش کا سلسلہ مزید 2 روز جاری رہنے کا امکان
بعد ازاں روزانہ کی پیش گوئی میں آج رات اور کل (اتوار) پنجاب کے بیشتر اضلاع میں بنیادی طور پر خشک موسم کی پیشگوئی کی گئی۔ اس میں کہا گیا کہ مری، گلیات اور ملحقہ علاقوں میں سرد اور جزوی طور پر ابر آلود موسم رہنے کی توقع ہے۔
