خیبرپختونخوا میں سینیٹر ثانیہ نشتر کے استعفے کے بعد خالی ہونے والی سینیٹ کی نشست پر انتخاب ہوا جس میں مشعال یوسفزئی 86 ووٹ لے کر کامیاب ہو گئیں۔
حکومت کی طرف سے آج خیبرپختونخوا اسمبلی کے اراکین کے اعزاز میں ظہرانے کا اہتمام بھی کیا گیا تھا، جس کی ویڈیو سوشل میڈیا پر وائرل ہو رہی ہے۔ ویڈیو میں دیکھا جا سکتا ہے کہ اراکین اسمبلی کے لیے باربی کیو کا خصوصی بندوبست کیا گیا تھا۔
عرفان خان نے ویڈیو شیئر کرتے ہوئے لکھا کہ خیبرپختونخوااسمبلی کی فضا دنبوں کے نمکین تکوں کی خوشبوں سے معطر ہو گئی ہے۔ تحریک انصاف کے ارکان اسمبلی سرکاری اخراجات پر یہاں نمکین تکوں کا مزہ لیں گے اس کے بعد 5 اگست کو عمران خان رہائی تحریک کے لیے مہم پر جائیں گے۔
خیبرپختونخوااسمبلی کی فضا دنبوں کے نمکین تکوں کی خوشبوں سے معطر
تحریک انصاف کے ارکان اسمبلی سرکاری اخراجات پر یہاں نمکین تکوں کا مزہ لیں گے اس کے بعد 5 اگست کو عمران خان رہائی تحریک کیلئے مہم پر جائیں گے
خیبرپختونخوااسمبلی میں آج ثانیہ نشتر کی خالی نشست پر انتخابات ہورہے ہیں pic.twitter.com/zXxT3fXnMM— Irfan Khan (@irfijournalist) July 31, 2025
صارف نے لکھا کہ اڈیالہ جیل میں عمران خان کو وضو کا پانی نہیں دیا جارہا، ان کے کھانے کا خاص خیال نہیں رکھا جارہا اور یہاں خیبرپختونخوا اسمبلی میں پی ٹی آئی کے وزرا اور ارکان اسمبلی کی خصوصی فرمائش پر ان کے لیے سرکاری خرچ پر نمکین تکہ تیار کیاجارہا ہے۔
اڈیالہ جیل میں عمران خان کو وضو کا پانی نہیں دیا جارہا ان کے کھانے کا خاص خیال نہیں رکھا جارہا اور یہاں
خیبرپختونخوااسمبلی میں پی ٹی آئی کے وزرا اور ارکان اسمبلی کی خصوصی فرمائش پر ان کیلئے سرکاری خرچ پر نمکین تکہ تیار کیاجارہا ہے۔ pic.twitter.com/ngQnNLBeHq— Irfan Khan (@irfijournalist) July 31, 2025
فاروق یوسفزئی نے لکھا کہ اس کا مطلب ہے کہ عمران خان مائنس ہوگیا ہے اور کسی کو بھی اس کی پرواہ نہیں ہے۔
مطلب عمران مائنس ہوگیا ہے کسی کو بھی اس کی پرواہ نہیں https://t.co/hATWAqcckq
— Fraooq Yousafzai (@FraooqY99232) July 31, 2025
ایک ایکس صارف نے تنقید کرتے ہوئے کہا کہ یہ ہے وہ تحریکِ انصاف جس نے تبدیلی کے نام پر عوام کو دھوکا دیا۔
یہ ہے وہ تحریکِ انصاف جس نے تبدیلی کے نام پر عوام کو دھوکہ دیا! https://t.co/TIIxcTCck1
— Razaullah Khan (@Razaull71233151) July 31, 2025
یاد رہے کہ خیبر پختونخوا میں ثانیہ نشتر کے استعفے کے بعد خالی ہونے والی سینیٹ کی نشست پر ضمنی الیکشن آج ہوا، پاکستان پیپلز پارٹی کی امیدوار راحیلہ بی بی گزشتہ روز مسلم لیگ (ن) کی امیدوار کے حق میں دستبردار ہوگئی تھیں۔
خیبرپختونخوا میں سینیٹ کی خالی نشست پر انتخاب میں کسی بھی امیدوار کو جیتنے کے لیے 73 ووٹ درکار ہوں گے، ایوان میں 28 آزاد امیدوار بھی ہیں۔
