امریکی صدر ڈونلڈ ٹرمپ نے اعلان کیا ہے کہ وہ اس سال 7 دسمبر کو ہونے والے 48 ویں کینیڈی سینٹر آنرز کی میزبانی کریں گے۔ اس تقریب میں اداکار سلویسٹر اسٹالون، اسٹیج اداکار مائیکل کرافورڈ، کنٹری گلوکار جارج اسٹریٹ، گلوکارہ گلوریا گینر اور مشہور راک بینڈ ’کِس‘ کو اعزاز دیا جائے گا۔
یہ بھی پڑھیں:ہالی ووڈ فلمیں بھی امریکا چین ٹیرف جنگ کی زد میں آگئیں
ٹرمپ نے تمام فنکاروں کو شاندار الفاظ میں خراجِ تحسین پیش کیا، جن میں اسٹالون کے ’راکی‘ کردار اور جارج اسٹریٹ کے ریکارڈ توڑ گانوں کا خاص ذکر کیا۔
یہ اعزاز ان فنکاروں کو دیا جاتا ہے جن کے کام نے امریکی اور عالمی ثقافت پر نمایاں اثر ڈالا ہو۔
ٹرمپ کو رواں سال کینیڈی سینٹر کے بورڈ کا چیئرمین منتخب کیا گیا تھا، جس کے بعد انہوں نے ڈیموکریٹ صدور کے مقرر کردہ 18 اراکین کو ہٹا دیا تھا۔
تقریب کے انتظامات جاری ہیں اور امکان ہے کہ یہ ایک بڑے پیمانے کا ایونٹ ہو گا۔
