آئی ایم ایف نے پاکستان کے سامنے مزید شرائط رکھ دیں

عالمی مالیاتی فنڈ (آئی ایم ایف) نے پاکستان کے سامنے مزید شرائط رکھ دیں اور کہا  ہے کہ دسمبر تک قرضوں کی واپسی پر مطمئن کرنا ہوگا۔

تفصیلات کے مطابق عالمی مالیاتی فنڈ (آئی ایم ایف) کا پاکستان سے ڈو مور پر مبنی ایک اور مطالبہ سامنے آ گیا ہے۔

ذرائع نے بتایا ہے کہ پاکستان کو دسمبر 2023 تک قرضوں کی واپسی پر آئی ایم ایف کومطمئن کرنا ہوگا۔

پاکستان نے دسمبر 2023 تک قرضوں کی ادائیگی کے لیے پلان ترتیب دیا ہوا ہے۔ دسمبر 2023 تک 6 سے 8 ارب ڈالر کی واپسی کے پلان پر آئی ایم ایف کو آگاہ کیا جائے گا۔

آئی ایم ایف نے مئی اور جون تک 3.7 ارب ڈالر واپس کرنے کا پلان اور مزید 2.4 ارب ڈالر کی یقین دہانی مانگ لی ہے۔

ذرائع کے مطابق پاکستان سےمجموعی طور پر8.4 ارب ڈالرکی یقین دہانیاں طلب کی گئی ہیں کیونکہ آئی ایم ایف پٹرولیم ڈیویلپمنٹ لیوی ہدف سے کم جمع ہونے پرمطمئن نہیں۔
پاکستان کو چین سے مزید2.4 ارب ڈالر قرضوں کی واپسی کے لیے رول اورر یقینی بنانا ہو گا۔

اس سے قبل پاکستان نے چین سے 3 ارب ڈالر، سعودی عرب سے2 ارب ڈالر اور متحدہ عرب امارات سے بھی 1 ارب ڈالر ملنے کی یقین دہانی کرائی تھی۔