کیا محمد عامر انٹرنیشنل کرکٹ میں واپس آرہے ہیں؟ فاسٹ بولر نے اس حوالے سے واضح مؤقف دے دیا۔
یہ بھی پڑھیں: محمد عامر اور عماد وسیم کا انگلینڈ کی فرنچائز نادرن سپر چارجرز سے معاہدہ
قومی ٹیم کے سابق فاسٹ بولر محمد عامر نے سوشل میڈیا پر جاری بیان میں کہا کہ گزشتہ چند روز سے یہ خبریں گردش کر رہی ہیں کہ وہ انٹرنیشنل کرکٹ میں کم بیک کرنے اور ریٹائرمنٹ واپس لینے جا رہے ہیں، لیکن یہ بات درست نہیں۔
محمد عامر نے کہا کہ میری کسی سے واپسی یا ریٹائرمنٹ کے فیصلے پر دوبارہ غور کرنے کے بارے میں کوئی بات نہیں ہوئی اور نہ ہی میرا کوئی پلان ہے۔ ان کا کہنا تھا کہ ریٹائرمنٹ کے بارے میں جو فیصلہ کیا تھا وہ حتمی ہے۔
یہ بھی پڑھیں: 2009 ٹی20 ورلڈ کپ فائنل کے لیے محمد عامر نے کیا خصوصی تیاری کی تھی؟
انہوں نے مزید کہا کہ میرے مداح چاہتے ہیں کہ میں دوبارہ میدان میں نظر آؤں لیکن اب پاکستان کرکٹ کو آگے بڑھنا ہے۔
