پاکستان اسٹاک ایکسچینج میں پیر کے روز بھاری منافع وصولی کے باعث شدید مندی دیکھی گئی، جہاں انڈیکس 1,200 سے زائد پوائنٹس کی کمی کے بعد 1,68,000 کی سطح سے نیچے بند ہوا۔
پورے کاروباری سیشن کے دوران منفی رجحان غالب رہا، جس کے نتیجے میں بینچ مارک کے ایس ای 100 انڈیکس ایک موقع پر 1,65,997.36 کی کم ترین سطح تک پہنچ گیا۔
یہ بھی پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
کاروبار کے اختتام پر کے ایس ای 100 انڈیکس 1,237.67 پوائنٹس یا 0.73 فیصد کمی کے بعد 1,67,752.40 پوائنٹس پر بند ہوا۔
اسٹاک ماہرین کے مطابق مندی کی بنیادی وجہ منافع وصولی ہے، اس کے علاوہ تجارتی خسارے اور مہنگائی میں اضافے نے بھی مارکیٹ پر دباؤ ڈالا ہے۔”
Market Close Update: Negative Today! 👇
🇵🇰 KSE 100 ended negative by -1,237.7 points (-0.73%) and closed at 167,752.4 with trade volume of 623.8 million shares and value at Rs. 45.46 billion. Today's index low was 165,997 and high was 169,326. pic.twitter.com/Lr4HqZjicn— Investify Pakistan (@investifypk) October 6, 2025
ماہرین کا کہنا ہے کہ اگر آئی ایم ایف کے جاری جائزے کا کامیاب اختتام ہوتا ہے تو اس سے زرمبادلہ کے ذخائر مضبوط ہوں گے، جو مارکیٹ کے لیے ایک اور سہارا ثابت ہوگا۔ م
ایک اہم پیش رفت میں بلوم برگ کے مطابق پاکستان نے خودمختار ڈیفالٹ رسک میں دنیا میں سب سے تیز کمی ریکارڈ کی ہے اور اب ترکی کے بعد دوسرے نمبر پر ہے۔
مزید پڑھیں: امپورٹ میں 11 ارب ڈالر کے تجارتی فرق کا معاملہ
گزشتہ ہفتے کے دوران پاکستان اسٹاک ایکسچینج نے مضبوط تیزی برقرار رکھی، جہاں کے ایس ای 100 انڈیکس 1,68,990.06 پوائنٹس کی بلند ترین سطح پر بند ہوا تھا۔
جو ماہرین کے مطابق ہفتہ وار بنیادوں پر 4.1 فیصد اضافہ ہے اور یہ 2009 کے بعد 9 ماہ کی بہترین کارکردگی ہے، جسے سرمایہ کاروں کے اعتماد، شعبہ جاتی مضبوطی اور بہتر معاشی اشاریوں نے سہارا دیا۔
بین الاقوامی سطح پر جاپانی اسٹاکس میں بھی غیر معمولی تیزی دیکھی گئی، جو پیر کے روز 4 فیصد سے زائد بڑھ کر تاریخ کی بلند ترین سطح پر پہنچ گئے جبکہ ین کی قدر میں کمی آئی۔
یہ اضافہ اس وقت دیکھا گیا جب مالی اور مانیٹری طور پر نرم مؤقف رکھنے والی سانائے تاکائیچی نے حکمراں جماعت کی قیادت حاصل کرلی، جس سے وہ جاپان کی پہلی خاتون وزیراعظم بننے کی راہ پر گامزن ہوگئیں۔
مزید پڑھیں:اسٹاک ایکسچینج میں انڈیکس پہلی بار ایک لاکھ 69 ہزار پوائنٹس سے تجاوز کرگیا
نکی انڈیکس نے کاروبار کے ابتدائی 15 منٹوں میں 4.3 فیصد اضافے کے ساتھ 47,734.04 پوائنٹس کی نئی بلند ترین سطح چھو لی۔
دوسری جانب، چین، جنوبی کوریا اور تائیوان میں تعطیلات کے باعث اسٹاک مارکیٹیں بند رہیں۔
ہانگ کانگ کا ہینگ سنگ انڈیکس 0.3 فیصد کم ہوا جبکہ آسٹریلیا کا بینچ مارک 0.1 فیصد نیچے بند ہوا۔
امریکا میں ایس اینڈ پی 500 فیوچرز 0.2 فیصد اضافے کی سمت میں تھے، جب کہ جمعے کے روز یہ انڈیکس ریکارڈ سطح پر بند ہوا تھا۔
