قومی احتساب بیورو(نیب) نے القادر ٹرسٹ کیس میں چیئرمین تحریک انصاف عمران خان کو نوٹس وصول کروا دیا۔
تفصیلات کے مطابق القادر ٹرسٹ کیس میں قومی احتساب بیورو( نیب) کی ٹیم چیئرمین تحریک انصاف عمران خان کو نوٹس وصول کروانے آج بروز بدھ کی دوپہر زمان پارک پہنچی اور عمران خان کو نوٹس وصول کروایا۔
نوٹس عمران خان کی قانونی ٹیم کے رکن علی بھنڈر نے وصول کیا۔ نوٹس کے مطابق عمران خان کل القادر ٹرسٹ کیس میں نیب راولپنڈی کے سامنے پیش ہوں گے۔
نیب ٹیم نوٹس وصول کروا کے زمان پارک سے روانہ ہو گئی ہے۔
یاد رہے کہ اس سے قبل آج ہی اسی کیس میں نیب کی ٹیم عمران خان کی اہلیہ بشری بی بی کی طلبی کا نوٹس بھی لے کر زمان پارک پہنچی تھی تاہم بشری بی بی کی قانونی ٹیم کی عدم دستیابی پر نیب کی ٹیم نوٹس وصول کروائے بغیر واپس روانہ ہوگئی تھی۔
