کبھی کبھی محبت لفظوں سے نہیں عمل سے بولتی ہے، ایسی ہی ایک دل کو چھو لینے والی مثال بھارت کی ریاست چھتیس گڑھ کے ضلع جشپور میں اُس وقت سامنے آئی جب ایک کسان نے اپنی بیٹی کے خواب کو حقیقت میں بدلنے کے لیے 6 ماہ تک سکے جمع کیے اور بالآخر ایک نئی اسکوٹی خرید لی۔
مقامی کسان بجرنگ رام کی بیٹی چمپا بھاگت ایک اسکوٹی کی خواہش مند تھی جس کی قیمت تقریباً 1 لاکھ روپے تھی۔ محدود مالی وسائل کے باوجود بجرنگ رام نے اپنی بیٹی کی خواہش پوری کرنے کا عزم کیا اور روزانہ کچھ سکے بچا کر جمع کرنا شروع کر دیے۔
یہ بھی پڑھیں: ’دیکھنا چاہتا تھا کون ساتھ ہے‘، ریٹائرڈ فوجی افسر نے اپنی موت کا ڈراما رچادیا
6 ماہ کی محنت اور صبر کے بعد انہوں نے تقریباً 40 ہزار روپے کے سکے جمع کیے۔ یہ رقم ایک بوری میں ڈال کر وہ ہونڈا کے مقامی شو روم پہنچ گئے۔ شو روم کے عملے نے جب ان کی کہانی سنی تو سب حیرت اور احترام سے بھر گئے۔
👉 Follow @LogicalIndians
In Chhattisgarh’s Jashpur district, a humble farmer turned his savings into a dream for his daughter — buying her a scooter worth ₹40,000, entirely in coins collected over six months. His dedication shows that love shines brightest in simple, everyday… pic.twitter.com/VlQPyuVwSd
— The Logical Indian (@LogicalIndians) October 23, 2025
شو روم ڈائریکٹر آنند گپتا نے کہا کہ یہ واقعہ ہمیں یاد دلاتا ہے کہ بات رقم کی نہیں، بلکہ محنت اور خلوصِ نیت کی ہے۔ ایسے باپ کی خدمت ہمارے لیے فخر کی بات ہے جس کی لگن سب کے لیے مثال ہے۔
شو روم کے عملے نے بجرنگ رام کو چائے پیش کی، سکوں کی گنتی شروع کی، اور باقی رقم کے لیے قرض کی سہولت فراہم کی۔ تمام کارروائی مکمل ہونے کے بعد انہیں نئی ہونڈا ایکٹیوا کی چابیاں تھما دی گئیں۔
یہ بھی پڑھیں: طلاق مبارک ہو، بھارتی شخص کا دودھ سے غسل اور کیک کاٹ کر جشن، ویڈیو وائرل
بیٹی چمپا نے خوشی کے آنسوؤں کے ساتھ کہا کہ یہ صرف ایک اسکوٹی نہیں، بلکہ میرے والد کی محبت اور قربانی کی علامت ہے۔
جب وہ شو روم سے نکلے تو وہاں موجود تمام لوگوں اور عملے نے تالیاں بجا کر ان کے جذبے کو خراجِ تحسین پیش کیا۔ خریداری کے لیے نہیں، بلکہ اس جذبے کے لیے جو ایک باپ نے اپنی بیٹی کے خواب کے لیے دکھایا۔
