پاکستان نے انڈر 19 ایشیا کپ کے سیمی فائنل میں بنگلہ دیش کو شکست دے کر فائنل کے لیے کوالیفائی کرلیا۔
مزید پڑھیں: انڈر 19 ایشیا کپ: بھارتی ہٹ دھرمی برقرار، پاک بھارت کپتانوں میں روایتی مصافحہ نہ ہوا
دبئی میں جاری ٹورنامنٹ میں پاکستان نے 122 رنز کا ہدف صرف 2 وکٹوں کے نقصان پر حاصل کیا، جس میں سمیر منہاس نے شاندار 69 رنز بنا کر ناقابل شکست اننگز کھیلی۔
پاکستان نے ٹاس جیت کر پہلے فیلڈنگ کا فیصلہ کیا، تاہم بارش کے باعث میچ کو 27 اوورز فی اننگز تک محدود کردیا گیا تھا۔
پاکستانی بولرز کی متوازن بولنگ کے سامنے بنگلہ دیش کی ٹیم 26.3 اوورز میں 121 رنز بنا کر آؤٹ ہوگئی۔
پاکستان کی جانب سے عبدالسبحان نے 4 کھلاڑیوں کو آؤٹ کیا جبکہ حذیفہ احسن نے 2 وکٹیں حاصل کیں۔ علی رضا، محمد صیام اور احمد حسین نے ایک ایک کھلاڑی کو پویلین بھیجا۔
مزید پڑھیں: انڈر 19 ایشیا کپ میں پاکستان کی تاریخی فتح، 345 رنز کے ہدف کے تعاقب میں ملائیشیا 48 رنز پر ڈھیر
پہلے سیمی فائنل میں بھارت نے سری لنکا کو شکست دے کر فائنل میں جگہ بنائی تھی۔ اب پاکستان اور بھارت کے درمیان فائنل میچ اتوار 21 دسمبر کو کھیلا جائے گا۔
